Sleep: వామ్మో నిద్రలేమితో ఇన్ని నష్టాలా.? ఏకంగా ప్రాణామే ప్రమాదంలో..
నిద్రలేమి.. అసలు ఇలాంటి ఓ సమస్య ఉంటుందని గతంలో ఎవరూ ఊహించి కూడా ఉండరేమో. అసలు నిద్ర పట్టకపోవడం ఒక వ్యాధిగా పరిగణిస్తారని కూడా అనుకోకపోవచ్చు. కానీ ప్రస్తుతం నిద్రలేమి అనేది పెద్ద సమస్యగా మారింది. మారిన జీవన విధానం, వర్క్‌ కల్చర్‌ కారణంగా నిద్రలేమితో బాధపడుతున్న వారి సంఖ్య క్రమంగా పెరుగుతోంది. దీంతో స్లీపింగ్ పిల్స్‌తో పాటు..
నిద్రలేమి.. అసలు ఇలాంటి ఓ సమస్య ఉంటుందని గతంలో ఎవరూ ఊహించి కూడా ఉండరేమో. అసలు నిద్ర పట్టకపోవడం ఒక వ్యాధిగా పరిగణిస్తారని కూడా అనుకోకపోవచ్చు. కానీ ప్రస్తుతం నిద్రలేమి అనేది పెద్ద సమస్యగా మారింది. మారిన జీవన విధానం, వర్క్‌ కల్చర్‌ కారణంగా నిద్రలేమితో బాధపడుతున్న వారి సంఖ్య క్రమంగా పెరుగుతోంది. దీంతో స్లీపింగ్ పిల్స్‌తో పాటు మరికొన్ని ప్రమాదకర మార్గాలను ఎంచుకుంటున్నారు. దీనివల్ల ఎన్నో సైడ్‌ ఎఫెక్ట్స్‌ ఉంటాయని తెలిసిందే.
కచ్చితంగా ఒక వ్యక్తికి 7 నుంచి 8 గంటల నిద్ర ఉండాలని నిపుణులు సూచిస్తుంటారు. నిద్రలేమి కారణంగా ఆరోగ్యపరంగా ఎన్నో సమస్యలు తప్పవని నిపుణులు చెబుతున్నారు. దీర్ఘకాలంగా నిద్రలేమితో బాధపడితే శరీరంలో ఉండే యాంటీబాడీస్‌కు ఇన్ఫెక్షన్ల నుంచి శరీరాన్ని రక్షించే సామర్థ్యం తగ్గుతుంది. దీంతో రోగనిరోధక శక్తి తగ్గుతుంది. ఇది ఎన్నో రకాల వ్యాధులకు దారి తీస్తుందని నిపుణులు చెబుతున్నారు. నిద్రలేమి కారణంగా వచ్చే మరికొన్ని సమస్యల గురించి ఇప్పుడు తెలుసుకుందాం..
* సరిపడ నిద్రలేకపోతే ప్రాణాలకే ప్రమాదమని నిపుణులు చెబుతున్నారు. స్మోకింగ్, ఆల్కహాల్ ఎంత ప్రమాదమో నిద్రలేమి కూడా అంతే ప్రమాదకరమని నిపుణులు చెబుతున్నారు.
* రాత్రి సమయాల్లో సరిపడ నిద్రలేకపోతే క్యాన్సర్‌ వచ్చే అవకాశాలు ఉంటాయని పలు అధ్యయనాల్లో తేలింది. నిద్రలేమి కారణంగా శరీరం తక్కువ మెలటోనిన్ ఉత్పత్తి చేస్తుంది. ఇది క్యాన్సర్‌కు దారి తీస్తుందని చెబుతున్నారు.
* నిద్రలేమి కారణంగా గుండె జబ్బులు వచ్చే అవకాశం ఉందని పలు అధ్యయనాల్లో వెల్లడైంది. నిద్రలేమి కారణంగా గుంఎపోటు వచ్చే ప్రమాదాలు 42 శాతం ఎక్కువగా ఉంటాయని ఇందులో తేలింది.
* డయాబెటిస్‌కు నిద్రలేమి కూడా ఒక కారణమని నిపుణులు అంటున్నారు. ప్రస్తుతం నిద్రలేమితో బాధపడే వారు భవిష్యత్తులో డయాబెటిస్‌ సమస్య బారిన పడే వారి అవకాశం ఉంటుందని చెబుతున్నారు.
* సరైన నిద్రలేని వారు బరువు పెరిగే అవకాశం ఉంటుందని నిపుణులు చెబుతున్నారు. నిద్రలేమి కారణంగా ఆకలి పుట్టించే గ్రెలిన్ అనే హార్మోన్ ఎక్కువగా ఉత్పత్తి అవుతుంది. దీంతో సహజంగానే ఎక్కువగా తింటాం. ఇది బరువు పెరగడానికి కారణమవుతుంది.
* వీటితో పాటు నిద్రలేమి వల్ల ఒత్తిడి, మానసిక అనారోగ్యాలు, అధిక రక్తపోటు, జీర్ణ సంబంధిత సమస్యలు వేధిస్తాయని నిపుణులు అంటున్నారు. అందుకే కచ్చితంగా సరిపడ నిద్ర ఉండేలా జాగ్రత్త పడాలని సూచిస్తున్నారు.
నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.
మరిన్ని లైఫ్ స్టైల్ వార్తల కోసం క్లిక్‌ చేయండి..