Health Tips: తొక్కలో ఏముందని తీసి పడేస్తున్నారా? ఇది తెలిస్తే అస్సలు వదలరు!
మనం నిత్యం వాడే కూరగాయాల్లో ఆలూ కూడా ఒకటి. అయితే చాలా మంది ఆలూను తొక్కతీసి వంటకాల్లో వాడుతూ ఉంటారు. కానీ ఇలా చేయడం వల్ల మనం దానిలో ఉండే పోషకాలను కోల్పోతామని పోషకాహార నిపుణులు చెబుతున్నారు. ఎందుకంటే ఆలూ తొక్కలో మన ఆరోగ్యానికి ప్రయోజనం చేకూర్చే ఎన్నో పోషకాలు ఉన్నాయని.. వాటిని తినకుండా పాడేయడం వల్ల మనం వాటిని లాస్ అవుతున్నామంటున్నారు. ఇంతకూ అందులో ఉండే పోషకాలు ఏంటో తెలుసుకుందాం పదండి.
మనం ఆరోగ్యంగా ఉండాలంటే శుభ్రమైన కూరగాయాలు మన ఆహారంలో తీసుకోవాలి. మనం రోజూ తినే కూరగాయాల్లో ఆలూ కూడా ఒకటి.. వారంలో ఒక్కరోజైనా దీన్ని మన వంటకాల్లో కచ్చితంగా వాడుతూ ఉంటాం. అయితే చాలా మందికి ఆలూను ఎలా వాడాలో తెలియదు.. ఎందుకంటే అందరూ ఆలూపై ఉన్న తొక్కను తీసేసి వాటిని వంటలోకి ఉపయోగిస్తారు. కానీ ఆలూను ఆలా చేయడం వల్ల మనకు ఎలాంటి పోషకాలు అందవని పోషకాహార నిపుణులు చెబుతున్నారు. ఆలూ తొక్కలో మన ఆరోగ్యానికి అవసరమైన చాలా పోషాకాలు ఉంటాయంటున్నారు. వాటిని తీసి పడేయడం ద్వారా మన అద్బుతమైన పోషకాలను లాస్ అవుతామని చెబుతున్నారు.
ఆలూ తొక్కలో ఎలాంటి పోషకాలు ఉంటాయి.
ఆలూ మట్టిలో పండుతుంది కాబట్టి దానికి దుమ్ము, మట్టి అంటుతుంది. కాబట్టి చాలా మంది ఆలూ తొక్కను తీసేసి దాన్ని వంటలోకి ఉపయోగిస్తారు. ఆలా కాకుండా దాన్ని శుభ్రంగా కడిగి తీసుకోవడం ద్వారా మనకు ఎన్నో పోషకాలు లభిస్తాయి. ఆలూ పొట్టులో అనేక విటమిన్లు, మినరల్స్ ఉంటాయి ఇవి మన ఆరోగ్యానికి ఎంతగానో ఉపయోపడుతాయి. ముఖ్యంగా దానిలో ఉండే ఫైబర్, పొటాషియం, మన శరీరంలోని హైబీపీని తగ్గించేందుకు దోహదపడుతాయి.అంతేకాకుండా ఇందులో ఉండే పోటాషియం మన నాడీ వ్యవస్థ పని తీరు మెరుగు పరిచేందుకు సహాయపడుతుంది.
అలాగే ఈ ఆలూ తొక్కలో ఉండే యాంటీ ఆక్సిడెంట్లు, ఫ్లేవనాయిడ్స్, కెరోటినాయిడ్స్, ఫినోలిక్ సమ్మేళనాలు గుండె జబ్బులు, క్యాన్సర్, నాడీ సంబంధ వ్యాధుల బారిన పడకుండా కాపాడుతాయి. అంతేకాకుండా దీన్ని తినడం ద్వారా మెరిసే చర్మం మీ సొంతం అవుతుంది.
NOTE: పైన వ్యాసంలో పేర్కొన్న అంశాలు, నివేదికలు, పోషకాహార నిపుణుల సహాలు, ఇంటర్నెట్ నుంచి సేకరించిన వివరాల ద్వారా అందించబడినవి.. వీటిని ఉపయోగించే ముందు మీకు ఏవైనా సందేహాలు ఉంటే వైద్యులను సంప్రదించండి)
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి.