‘నేను పాకిస్తానీనే.. కానీ నా మనసంతా భారత్‌లోనే!’ యువతి వీడియో వైరల్!
దేశాలు వేరు కావచ్చు.. మతాలు, భాషలు వేరుగా ఉండవచ్చు. కానీ కొన్ని ప్రాంతాలపై, సంస్కృతులపై మనుషులకు ఉండే అభిమానం మాత్రం సరిహద్దులను దాటుతుంది. ఇందుకు నిదర్శనంగా నిలుస్తోంది పాకిస్తాన్‌కు చెందిన ముస్కాన్ అనే యువతి. భారతీయ సంస్కృతి, పండుగలు, పర్యాటక ప్రాంతాలంటే తనకు ఎంతో ఇష్టమని చెబుతూ ఆమె చేసిన వీడియో ప్రస్తుతం సోషల్ మీడియాలో వైరల్ అవుతోంది. ముఖ్యంగా జర్మన్ పాస్‌పోర్ట్ వచ్చిన వెంటనే తన మొదటి ప్రయాణం భారత్‌కే ఉంటుందని ఆమె ప్రకటించడం నెటిజన్లను ఆకట్టుకుంటోంది.
దేశాలు వేరు కావచ్చు.. మతాలు, భాషలు వేరుగా ఉండవచ్చు. కానీ కొన్ని ప్రాంతాలపై, సంస్కృతులపై మనుషులకు ఉండే అభిమానం మాత్రం సరిహద్దులను దాటుతుంది. ఇందుకు నిదర్శనంగా నిలుస్తోంది పాకిస్తాన్‌కు చెందిన ముస్కాన్ అనే యువతి. భారతీయ సంస్కృతి, పండుగలు, పర్యాటక ప్రాంతాలంటే తనకు ఎంతో ఇష్టమని చెబుతూ ఆమె చేసిన వీడియో ప్రస్తుతం సోషల్ మీడియాలో వైరల్ అవుతోంది. ముఖ్యంగా జర్మన్ పాస్‌పోర్ట్ వచ్చిన వెంటనే తన మొదటి ప్రయాణం భారత్‌కే ఉంటుందని ఆమె ప్రకటించడం నెటిజన్లను ఆకట్టుకుంటోంది.
20కి పైగా దేశాలు చుట్టేసిన ట్రావెల్ వ్లాగర్!
ముస్కాన్ ఒక ట్రావెల్ వ్లాగర్. ఇప్పటికే ప్రపంచవ్యాప్తంగా 20కి పైగా దేశాలను సందర్శించింది. ప్రస్తుతం జర్మనీలో నివసిస్తున్న ఆమెకు భారతదేశాన్ని చూడాలనే కోరిక ఎప్పటి నుంచో ఉందట. తాను పాకిస్తానీ అయినప్పటికీ, తన మనసు మాత్రం ఢిల్లీలో ఉందని సోషల్ మీడియాలో వెల్లడించింది. జర్మన్ పాస్‌పోర్ట్ అందుకున్న వెంటనే భారతదేశమే తన మొదటి గమ్యస్థానమని తెలిపింది.
భారత్‌లో చూడాలనుకుంటున్న ప్రదేశాలివే!
ముస్కాన్ భారత పర్యటన జాబితాలో వారణాసి గంగా హారతికి ప్రత్యేక స్థానం ఉంది. గంగానది ఒడ్డున కూర్చుని సాయంత్రం జరిగే హారతిని ప్రత్యక్షంగా చూడాలని కోరుకుంటోంది. అలాగే ఢిల్లీలోని లోటస్ టెంపుల్‌ను సందర్శించాలని, తాజ్‌మహల్‌ను సూర్యోదయ సమయంలో చూడాలని కలలు కంటోంది. రిషికేశ్‌లో గంగానది ఒడ్డున ఉదయాన్నే యోగా చేయాలని, రాజస్థాన్ ఎడారిలో రాత్రి గడపాలని కూడా ఆశపడుతోంది. అంతేకాదు.. భారత్‌కు వచ్చినప్పుడు హోలీ పండుగలో పాల్గొని భారతీయ సంస్కృతి, సంప్రదాయాలను దగ్గరగా అనుభవించాలని కోరుకుంటోంది.
బాలీవుడ్ సినిమాలే స్ఫూర్తి!
చిన్నప్పటి నుంచి బాలీవుడ్ సినిమాలు చూస్తూ భారతదేశంలోని కొన్ని ప్రాంతాలపై తనకు ప్రత్యేకమైన అభిమానం ఏర్పడిందని ముస్కాన్ చెప్పింది. ఆమె వీడియో వైరల్ కావడంతో భారతీయ నెటిజన్లు కూడా స్పందిస్తున్నారు. స్పితి వ్యాలీ, లడఖ్, కేరళ వంటి అద్భుతమైన ప్రాంతాలను కూడా తన ప్రయాణ జాబితాలో చేర్చుకోవాలని సూచిస్తున్నారు.
మొత్తానికి పాకిస్తాన్‌కు చెందిన ఓ యువతి భారతీయ సంస్కృతి, పండుగలపై చూపిస్తున్న అభిమానంపై సోషల్ మీడియాలో ఆసక్తికరమైన చర్చ జరుగుతోంది. దేశాల మధ్య సరిహద్దులు ఉన్నా.. సంస్కృతులపై ప్రేమకు సరిహద్దులు ఉండవని ముస్కాన్ కోరిక మరోసారి గుర్తుచేస్తోంది.
వైరల్ వీడియో ఇక్కడ చూడండి..
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..