బీర్ తాగితే పొట్ట వస్తుంది అంటారు, ఇది నిజమేనా.. అసలు ముచ్చట ఏమిటంటే?
యూత్ ఎక్కువ ఇష్టపడే డ్రింక్స్లో బీర్ మొదటిస్థానంలో ఉంటుంది. చాలా మంది యువకులు ఎంతో ఇష్టంగా బీర్ తాగుతుంటారు. మరీ ముఖ్యంగా సమ్మర్లో ఎక్కువ మంది బీర్ తాగడానికే ఎక్కువ ఆసక్తిచూపుతారు. అయితే పెద్దవారు చాలా సందర్భాల్లో అంటుంటారు. పొట్ట ఏంటీ అలా పెరిగిపోయింది. బీర్లు ఎక్కువ తాగుతున్నావా అని. ఇంకొందరేమో బీర్ ఎక్కువ తాగకూడదు, బీర్లు ఎక్కువ తాగితే పొట్ట వస్తుంది అని చెప్తుంటారు. మరి ఇందులో నిజం ఎంత ఉంది. అసలు బీర్ తాగితే నిజంగానే పొట్టవస్తుందా? దీని గురించే ఇప్పుడు వివరంగా తెలుసుకుందాం.
మద్యం ప్రియులు చాలా ఇష్టంగా తాగే ఆల్కహాల్లో బీర్ ఒకటి, ఏ చిన్న ఫంక్షన్ జరిగినా, ఆనంద వచ్చినా, ఇంకొందరు బాధలో ఉన్నా ఎక్కువగా బీర్ తాగుతుంటారు. అయితే ఈ బీర్ తాగడం వలన పొట్ట వస్తుందని అంటుంటారు చాలా మంది.
అయితే దీనిపై నిపుణులు ఏమంటున్నారంటే? బీర్ తాగితే నిజంగానే పొట్టవస్తుందని కొన్ని అధ్యాయనాల్లో తేలిందంట. బీర్ లో కేలరీలు అధికంగా ఉంటాయి. అందువలన ఇది పొట్టరావడానికి ఒక కారణం.. అంతే కాకుండా, బీర్ తాగిన వారు తమకు తెలియకుండానే ఎక్కువ మొత్తంలో ఫుడ్ తీసుకుంటారంట.
దీని కారణంగా బరువు పెరిగి, పొట్టరావడానికి కారణం అవుతుంది అంటున్నారు నిపుణులు. అలాగే, బీర్ తాగగానే అన్నవాహిక ద్వారా పొట్టలోకి వెళ్తుంది. తర్వాత రక్తంలోకి ప్రవేశిస్తుంది. ఆ తర్వాత కొంత వరకు పేగులు బీర్ను పీల్చుకుంటాయంట.
అయితే ఈ క్రమంలోనే, ఎసిటైల్ అనే కొవ్వు ఉత్పత్తి అవుతుందంట. దీని వలన పొట్టలో కొవ్వు పేరుకపోయి పొట్ట పెరుగుతుందంట.
అందువల్ల బీర్ తాగడం వలన పొట్టపెరుగుతుంది అంటున్నారు నిపుణులు. అయితే ఇలా పొట్టరాకుండా ఉండాలంటే? బీర్ తాగే సమయంలో ఆయిల్ ఫుడ్ అస్సలే తీసుకోకూడదంట. మరీ ముఖ్యంగా బీర్ తాగడం మానేయండం మంచిది అంటున్నారు నిపుణులు.