బెజవాడ వాసులకు గుడ్ న్యూస్.. బెంజ్‌ సర్కిల్‌ ఫ్లైఓవర్ రెడీ..
నిత్యం ట్రాఫిక్ కష్టాలతో విసిగి వేసారిపోయే బెజవాడ వాసులుకు ఇది నిజంగా గుడ్ న్యూస్. ఎన్నో ఏళ్ల నుంచి ఎదురు చూస్తోన్న బెంజిసర్కిల్ ప్లైఓవర్ వాడుకకు సిద్దమైంది. నెల క్రితం నిర్మాణానికి సంబంధించిన అన్ని పనులు పూర్తయ్యాయి. నేడు(సోమవారం) అధికారులు దీనిపై ట్రయల్‌రన్‌ నిర్వహించనున్నారు. ప్రస్తుతం ప్రయోగాత్మకంగా వాహనాలను అనుమతించనున్నారు. కేంద్ర మంత్రి నితిన్ గడ్కరీతో త్వరలో లాంఛనంగా ఓపెన్ కానుంది. అయితే ఆయన ఎప్పుడు వస్తారనే డేట్‌పై క్లారిటీ లేకపోవడంతో.. రామవరప్పాడు నుంచి వారధి వైపు వెళ్లే […]
నిత్యం ట్రాఫిక్ కష్టాలతో విసిగి వేసారిపోయే బెజవాడ వాసులుకు ఇది నిజంగా గుడ్ న్యూస్. ఎన్నో ఏళ్ల నుంచి ఎదురు చూస్తోన్న బెంజిసర్కిల్ ప్లైఓవర్ వాడుకకు సిద్దమైంది. నెల క్రితం నిర్మాణానికి సంబంధించిన అన్ని పనులు పూర్తయ్యాయి. నేడు(సోమవారం) అధికారులు దీనిపై ట్రయల్‌రన్‌ నిర్వహించనున్నారు.
ప్రస్తుతం ప్రయోగాత్మకంగా వాహనాలను అనుమతించనున్నారు. కేంద్ర మంత్రి నితిన్ గడ్కరీతో త్వరలో లాంఛనంగా ఓపెన్ కానుంది. అయితే ఆయన ఎప్పుడు వస్తారనే డేట్‌పై క్లారిటీ లేకపోవడంతో.. రామవరప్పాడు నుంచి వారధి వైపు వెళ్లే వాహనాలను ఫ్లైఓవర్‌లో ప్రయాణించడానికి అనుమతిస్తారు. ట్రయిల్‌రన్ అనంతరం వాహనాల ప్రయాణాలను కొనసాగించడంపై నగర ట్రాఫిక్ పోలీసులతో చర్చించిన తరువాత నిర్ణయం తీసుకుంటామని ప్రాజెక్ట్ డైరెక్టర్ ఎం విద్యా సాగర్ చెప్పారు. ఇక విజయవాడ నగర పోలీస్‌ కమిషనర్‌ ద్వారకా తిరుమలరావు, కలెక్టర్‌ ఇంతియాజ్, ఎన్‌హెచ్‌ఏఐతో పాటు పలు నగర శాఖల అధికారులు బెంజి సర్కిల్‌ ఫ్లైఓవర్‌ను సందర్శించనున్నారు. ఫ్లైఓవర్ నిర్మాణానికి నిధుల మంజూరు కోసం విజయవాడ ఎంపి కేశినేని నాని తీవ్రంగా లాబీయింగ్ చేశారు.