జనతా కర్ఫ్యూకు వ్యతిరేకంగా పోస్టింగులు..టీఆర్ఎస్ కౌన్సిలర్ అరెస్ట్

ఇది చాలా సెన్సిటీవ్ టైమ్. రాజకీయాలు చేసే వేళ కాదు. అందరం ఒక్కటై కరోనాను దేశం నుంచి తరిమికొట్టాలి. అందుకే ప్రధాని జనతా కర్ఫ్యూకి పిలుపునిచ్చారు. కానీ కొందరూ ఆయన పిలుపును కూడా ట్రోల్ చేస్తున్నారు. కర్ఫ్యూకి వ్యతిరేకంగా కామెంట్లు పెడుతున్నారు. దీనిపై తెలంగాణ సీఎం కేసీఆర్ తీవ్ర స్థాయిలో ఫైరయ్యారు. వారిని ఇడియట్స్ అని సంభోదిస్తూ..అటువంటి కామెంట్స్ పెట్టేవారిపై కఠిన చర్యలు తీసుకోవాలని డీజీపీకి ఆదేశాలు జారీ చేశారు.

అయితే ఈ విషయంలో ఏకంగా టీఆర్‌ఎస్ కౌన్సిలర్ అరెస్ట్ అవ్వడం అనూహ్య పరిణామం.  సంగారెడ్డికు చెందిన టీఆర్ఎస్ కౌన్సిలర్ సమి మాత్రం అటు ప్రధాని విజ్ఞప్తిని, ఇటు సీఎం ఆదేశాలను కూడా లెక్క చెయ్యలేదు. ప్రధాని పిలుపుని..ఇక చెవితో విని..మరో చెవితో వదిలెయ్యాలని…ముస్లింలంతా రోడ్డుపైకి రావాలని పిలుపునిచ్చారు. ఆ పోస్టింగ్‌లు కాస్తా సోషల్ మీడియాలో వైరలయ్యాయి. దీంతో సీరియస్‌గా తీసుకున్న పోలీసులు సమిని అరెస్ట్ చేశారు.