ట్రాఫిక్ రూల్స్ పాటిస్తున్న గోమాత..!

ట్రాఫిక్ రూల్స్.. ఇవి సగటు వాహనదారుడికి తెలిసిన నియమం. రోడ్లపై ఎలా వెళ్లాలి.. సిగ్నల్స్ వద్ద ఏ లైట్‌ వస్తే ఆగాలి.. ఏ లైట్ వస్తే వెళ్లాలి అనేది ప్రతి వాహనదారుడికి తెలిసిన విషయమే. అయితే మొన్నటి వరకు ఈ నియమాలను చాలా మంది వాహనదారులు పట్టించుకునే వారు కాదు. అయితే కొత్త మోటార్ యాక్ట్ వచ్చినప్పటి నుంచి దాదాపు అంతా ఈ రూల్స్ పాటిస్తున్నారు. కేవలం మనుషులే కాదు. గోమాతలు కూడా ఈ నియమాలను పాటిస్తున్నాయి. ఓ ట్రాఫిక్ సిగ్నల్ వద్ద ఓ ఆవు ఆగింది. ఆ సమయంలో ఆవుకు ఇరువైపులా కూడా వాహనాలు ఉన్నాయి. అంతేకాదు ఆవు ముందు కూడా చాలా స్థలం ఉంది. కానీ అది మాత్రం జీబ్రా క్రాస్ లైన్లను దాటకుండా అక్కడే నిలబడి ట్రాఫిక్ రూల్స్ పాటించింది. ఇక గ్రీన్ సిగ్నల్ పడగానే అక్కడి నుంచి ముందుకు కదిలింది. ఈ ఘటనను మొత్తం అక్కడే ఉన్న కొందరు స్థానికులు వీడియో తీసి సోషల్ మీడియాలో పోస్ట్ చేశారు. దీంతో అది కాస్త వైరల్‌గా మారింది. ఈ వీడియోను బాలీవుడ్ నటి తన ట్విట్టర్‌లో పోస్ట్ చేశారు.