ఎస్‌బీఐ, బజాజ్‌ ఫైనాన్స్ తో ఫ్లిప్‌కార్ట్‌ డీల్
ఆన్ లైన్ షాపింగ్ దిగ్గజం ఫ్లిప్‌కార్ట్‌ శుభవార్త తీసుకువచ్చింది. పండగల వేళ వస్తువులు కొనుగోలు చేసేందుకు వినియోగదారులకు రుణాలు అందించేందుకు ఫ్లిప్‌కార్ట్‌ పలు బ్యాంకులు, బ్యాకింగేతర ఆర్థిక సంస్థలతో ఒప్పందం కుదుర్చుకుంది.
ఆన్ లైన్ షాపింగ్ దిగ్గజం ఫ్లిప్‌కార్ట్‌ శుభవార్త తీసుకువచ్చింది. పండగల వేళ వస్తువులు కొనుగోలు చేసేందుకు వినియోగదారులకు రుణాలు అందించేందుకు ఫ్లిప్‌కార్ట్‌ పలు బ్యాంకులు, బ్యాకింగేతర ఆర్థిక సంస్థలతో ఒప్పందం కుదుర్చుకుంది. మొత్తం 17 సంస్థలతో కలిసి కొనుగోలుదారులకు డిస్కౌంట్స్ అందించడంతో పాటు, ఇఎంఐ రూపంలో కొనుగోలు చేసే వెసులుబాటునూ కల్పించనుంది. డెబిట్‌, క్రెడిట్‌ కార్డు ఉన్న వారికి 10శాతం తక్షణ డిస్కౌంట్ అందించేందుకు ఎస్‌బీఐ, ఎస్‌బీఐ కార్డు, బజాజ్‌ ఫిన్‌సర్వ్‌ ఈఎంఐ కార్డుదారులకు ఎలాంటి రుసుములు లేని వాయిదా పద్ధతిలో అందించడం, కోటక్‌ మహీంద్రా బ్యాంక్‌, ఫెడరల్‌ బ్యాంక్‌ డెబిట్‌ కార్డులు ఉన్నవారికి ఈఎంఐలో చెల్లించే వీలు కల్పించనున్నారు. ప్రముఖ జువెల్లరీస్ తో పాటు విద్యుత్‌ ఉపకరణాల విక్రయ కేంద్రాలతోనూ ఒప్పందం కుదుర్చుకుని, గిఫ్ట్‌కార్డ్‌ స్టోర్‌ ప్రారంభించినట్లు ప్లిఫ్‌కార్ట్‌ తెలిపింది.
