అతనంటే చచ్చేంత ఇష్టం… మరి రష్మీ మనసులో ఉన్నదెవరు.?

రష్మీ గౌతమ్… ‘ఢీ’, ‘జబర్దస్త్’ షోలతో బుల్లితెర ద్వారా విపరీతమైన ఫ్యాన్ ఫాలోయింగ్ పెంచుకున్న ఈమె గురించి తెలుసుకోవడానికి అభిమానులు ఎక్కువగా ఆసక్తి చూపిస్తుంటారు. ఇక తాజాగా ఆమెకు సంబంధించిన ఓ కొత్త విషయం ఒకటి బయటికి వచ్చింది. ప్రముఖ హాలీవుడ్ నటుడు, నిర్మాత అయిన ఎడ్వార్డ్ థామస్ హార్డీ అంటే తనకు చచ్చేంత ఇష్టమని అంటోంది ఈ ముద్దు గుమ్మ.

స్టార్ ట్రెక్ నెమెసిస్, రాక్ ఎన్ రోల్లా, బ్రాన్సన్, వారియర్, ది డ్రాప్, ది రెవెనాంట్, మ్యాడ్ మాక్స్ ఫ్యూరీ రోడ్, డార్క్ నైట్ రైజెస్, వెనమ్ వంటి సూపర్ హిట్ చిత్రాలతో ప్రపంచవ్యాప్తంగా ఎందరో అభిమానులను సంపాదించుకున్న హార్డీ.. కొన్ని చిత్రాలకు నిర్మాతగా కూడా వ్యవహరించాడు. అతను ఏ ప్రాజెక్ట్ తెరకెక్కించినా.. దానికి భారీ క్రేజ్ ఉంటుంది. బాలీవుడ్ హీరోయిన్లు అనుష్క శర్మ, కత్రినా కైఫ్, ప్రియాంకా చోప్రాలతో పాటు హీరో రణవీర్ సింగ్ కూడా ఆయన ఫాలోవర్స్ లిస్ట్‌లో ఉన్నారు. ఇప్పుడు తాజాగా ఆ కోవలోకి యాంకర్ రష్మీ గౌతమ్ కూడా చేరిపోయింది.

ఒక్క సినిమాల వల్లే అతనికి ఇంతటి ఫ్యాన్ ఫాలోయింగ్ వచ్చిందంటే పొరపాటే.. అతను రీల్, రియల్ లైఫ్‌ రెండింటిలోనూ చాలా మంచి వ్యక్తి. పేద వాళ్లకు అండగా ఉంటూ.. ఎందరో అనాధ పిల్లలను చదివిస్తూ.. ఓ ఛారిటీ సంస్థను కూడా నడిపిస్తున్నాడు. 2018లో అతనికి బ్రిటన్ ప్రభుత్వం ‘కమాండర్ ఆఫ్ ది ఆర్డర్’ అవార్డును కూడా బహుకరించింది. ఇంతటి మంచి వ్యక్తిత్వం ఉండటం వల్లే ప్రపంచవ్యాప్తంగా అశేష అభిమానుల మనసు దోచుకున్నాడు.

ఇదిలా ఉండగా రష్మీకి ఎక్కువగా యాక్షన్, ఫాంటసీ చిత్రాలంటే చాలా ఇష్టం. ముఖ్యంగా హాలీవుడ్ సినిమాలను ఎక్కువగా ఇష్టపడే రష్మీ.. థామస్ హార్డీ నటన, యాక్షన్ బాగా నచ్చుతాయని చెబుతోంది. అందుకే అతనికి ఫిదా అయిపోయిందట. ఓ వింత వ్యాధితో బాధపడుతున్న రష్మీ గౌతమ్.. అప్పుడప్పుడూ తన పర్సనల్ విషయాలను ఫ్యాన్స్‌తో పంచుకుంటుంది.