ఆమె తన బిడ్డకు మళ్లీ ప్రాణం పోసింది

కొలంబియాలోని మెడలిన్‌లో రెప్ప పాటులో ఓ చిన్నారి ప్రమాదం నుంచి బయటపడింది. తల్లి అప్రమత్తంగా వ్యవహరించడంతో తృటిలో ఆ చిన్నారికి పెనుప్రమాదం తప్పింది. వివరాల్లోకి వెళ్తే.. లిఫ్ట్ ద్వారా నాలుగో అంతస్తుకు చేరుకున్న ఓ మహిళ.. బయటకొచ్చాక ఫోన్ మాట్లాడుతూ నిలుచోగా.. చిన్నపిల్లవాడైన ఆమె కొడుకు బాల్కనీ వైపు వెళ్లాడు. అక్కడ గ్రిల్స్‌ లేకపోవడంతో ఒక్క సారిగా అదుపుతప్పి కిందపడబోయాడు. దీన్ని గమనించిన తల్లి.. సెకన్ల వ్యవధిలోనే ఆ బిడ్డ కాళ్లను పట్టుకుని లాగింది. దీంతో ఆ బిడ్డ ప్రాణాలతో బతికి బయటపడ్డాడు. ఆ బాలుడికి ఎలాంటి గాయాలు కాలేదు. దీంతో అక్కడున్న వారంతా ఊపిరిపీల్చుకున్నారు.  లిఫ్ట్ పక్కనే ఉన్న సీసీ కెమెరాలో రికార్డైన ఈ దృశ్యాలు ప్రస్తుతం వైరల్‌గా మారాయి. బిడ్డను కాపాడుకున్న తల్లిపై నెటిజన్లు ప్రశంసలు కురిపిస్తున్నారు. ఆ చిన్నారికి చిన్న గాయం కూడా కాలేదని, ఆమె అప్రమత్తంగా వ్యవహరించడం వల్లే అతని ప్రాణాలతో బయటపడ్డాడని ఆ బిల్డింగ్ మేనేజర్ జువాన్ ఫ్రాంకో తెలిపాడు.