చిరూని కన్నీళ్లు పెట్టించిన ఆ యంగ్ హీరో ఎవరంటే..?

జీ సినిమా అవార్డ్స్ ప్రొమో కిర్రాక్ అనిపించింది. రామ్, నిధి అగర్వాల్ వేర్వేరుగా స్టేజ్‌పై ఇచ్చిన పెర్ఫార్మెన్స్..యాంకర్స్ రవి, ప్రదీప్‌ల పంచ్‌లు అదిరిపోయాయి. ఇస్మార్ట్ శంకర్ టీం అంతా పంక్షన్‌లో రచ్చరచ్చ చేసింది. ఇక హీరోయిన్ సమంతను ఓ రేంజ్‌లో టీజ్ చేశాడు యాంకర్ ప్రదీప్. ఇక అన్నయ్య చిరంజీవి ఫంక్షన్ మొత్తానికి స్పెషల్ అట్రాక్షన్‌గా నిలిచారు. యంగ్ హీరో కార్తికేయ మెగాస్టార్‌కు ట్రిబ్యూట్‌గా స్పెషల్ ప్రదర్శన ఇచ్చినట్టు తెలుస్తోంది. ఇక ఊహించని విధంగా తీవ్ర భావోద్వేగానికి గురైన చిరు కన్నీళ్లు పెట్టుకున్నారు. హీరో కార్తికేయ తన పెర్ఫార్మెన్స్ అనంతరం ఇచ్చిన స్పీచ్‌లో ఎమోషనల్‌గా మాట్లాడాడు. చరణ్ మాత్రమే చిరంజీవిగారి కొడుకు కాదని, తామంతా ఆయన పిల్లలమే అంటూ చెప్పుకొచ్చాడు. ఈ క్రమంలో చిరు కళ్లల్లో నీళ్లు కనిపించాయి. ఇక చివర్లో వెళ్లి మెగాస్టార్ కాళ్లకు నమస్కరించాడు కార్తికేయ. మధ్యలో ఆయన డాన్స్ మూవ్స్ కూడా ఆకట్టుకున్నాయి. మొత్తానికి ప్రొమో అంతా పూర్తి భావొద్వేగాలతో నిండిపోయింది.