డ్రైవింగ్ టెస్ట్ పాసైన 10 నిమిషాల్లోనే..!

చైనా ప్రావిన్స్ గుయిజౌలోని లాపింగ్ వంతెనపై దారుణం జరిగింది. డ్రైవింగ్ టెస్ట్ పూర్తి చేసుకుని ఇంటికి తిరిగి వెళ్తున్న ఓ వ్యక్తి ఊహించని విధంగా ప్రమాదంలో చిక్కుకున్నాడు. ఇరుకు వంతెనపై ఎదురుగా వస్తున్న పాదచారులను చూసి ఒక్కసారే కారు స్టీరింగ్‌ను పక్కకి తిప్పాడు. దీంతో ఆ కారు రెప్పపాటు వ్యవధిలో నదిలో పడింది. చైనాలో చోటుచేసుకున్న ఈ ఘటన పూర్తి వివరాలు ఇలా ఉన్నాయి.

చైనాకు చెందిన జాంగ్ అనే డ్రైవర్ అప్పుడే డ్రైవింగ్ టెస్ట్ పూర్తి చేసుకుని ఇంటికి బయల్దేరాడు. ఆ టెస్టులో పాసైనందుకు అధికారులు కూడా అతన్ని అభినందించారు. అనంతరం అతడికి కంగ్రాట్స్ చెబుతూ మొబైల్‌కు టెక్ట్స్ మెసేజ్ పంపారు. అతడి కారు సరిగ్గా ఇరుకు వంతెన మీదకు వచ్చినప్పుడే ఆ మెసేజ్ వచ్చింది.

అసలే ఇరుకు వంతెన.. ఆ మొబైల్‌కు టెక్ట్స్ మెసేజ్ చూస్తుండగా, వంతెనపై ఎదురుగా పాదచారులు కనిపించారు. అంతే.. కంగారులో స్టీరింగ్ ఒక్కసారే పక్కకి తిప్పాడు. కారుతో సహా నదిలో పడిపోయాడు. వెంటనే డోరు తెరుచుకుని ఒడ్డుకు వచ్చి అతడి ప్రాణాలు రక్షించుకున్నాడు. ఆ వంతెనపై ఉన్న సీసీటీవీ కెమేరాలో ఈ ఘటన రికార్డైంది. దీన్ని కొందరు సోషల్ మీడియాలో పోస్టు చేయడంతో.. నెట్టింట్లో క్షణాల్లో వైరల్‌గా మారింది.