ఈ చిత్రం చూశారా..!

తెలంగాణలోని  ప్రముఖ పుణ్యక్షేత్రం వేములవాడు..మహాశివరాత్రి సందర్భంగా భక్తులతో కిటకిటలాడిపోయింది. పొద్దంతా ఉపవాసం ఉన్న భక్తులు రాత్రికి అక్కడే జాగారం చేశారు. అయితే ఇక్కడ ఆశ్చర్యకర సన్నివేశం మీడియా కెమెరా కళ్లకు చిక్కింది.  రాజరాజేశ్వర స్వామి ఆలయం దగ్గర్లో ఉన్న ఓ సత్రం ముందు ఓ పోలీసు వెహికల్ ఆగి ఉంది. అయితే అక్కడికి వచ్చిన భక్తులు సదరు వెహికల్‌పై దుప్పట్లు, బట్టలు ఆరేశారు. ఇంకేముంది ఆ క్లిక్ ఇంటర్నెట్‌లో వైరల్‌గా మారింది. కాగా ఈ ఏడాది మహాశివరాత్రికి తెలంగాణ ప్రభుత్వం వేములవాడకు హెలికాప్టర్ సేవలన ప్రారంభించింది.  టీఎస్ స్టేట్ టూరిజం ఆర్గనైజన్.. తెలంగాణ స్టేట్‌ ఏవియేషన్‌ కార్పొరేషన్‌ సౌజన్యంతో ఈ సేవలను అందిస్తోంది. ఈ నెల 23వ తేదీ వరకు హెలికాప్టర్‌ సేవలు ఉంటాయని అధికార వర్గాలు తెలిపాయి

హెలికాప్టర్ సేవలను మూడు రకాల ప్యాకేజీలుగా విభజించారు.

•  ప్యాకేజీ-1లో భాగంగా వేములవాల నుంచి వ్యూపాయింట్‌కు 7 నిమిషాల రైడ్‌.  టికెట్‌ ధర రూ.3 వేలు.
• ప్యాకేజీ-2లో వేములవాడ మిడ్‌మానేరు చుట్టపక్కల ప్రాంతాల్లో విహంగ వీక్షణం చేసేందుకు టికెట్ ధర రూ.5,500. 16 నిమిషాల రైడ్. అయితే ఈ  ఫ్యాకేజ్ కోసం కనీసం ఆరుగురు వ్యక్తులు ఉండాలన్న నిబంధన ఉంది.
• ప్యాకేజీ-3లో హైదరాబాద్‌ నుంచి వేములవాడకు.. తిరిగి హైదరాబాద్‌కు టికెట్‌ ధర రూ. 30 వేలు. కనీసం ఐదుగురు వ్యక్తులు ఉండాలి.