హల్దీ వేడుక :పెళ్లి కూతురుగా ముస్తాబైన టాలీవుడ్‌ చందమామ
టాలీవుడ్‌ చందమామ కాజల్ అగర్వాల్‌ పెళ్లికి ముస్తాబయింది. ముంబయికి చెందిన ప్రముఖ పారిశ్రామిక వేత్త, ఇంటీరియర్ డిజైనర్ గౌతమ్ కిచ్లును ఈ నెల 30న కాజల్ వివాహం చేసుకున్నారు. చాలా తక్కువ మంది అతిథులతో వీరి వివాహం జరగనుంది. ఈ సందర్భంగా ఇప్పటికే పెళ్లి కార్యక్రమాలు..
టాలీవుడ్‌ చందమామ కాజల్ అగర్వాల్‌ పెళ్లికి ముస్తాబయింది. ముంబయికి చెందిన ప్రముఖ పారిశ్రామిక వేత్త, ఇంటీరియర్ డిజైనర్ గౌతమ్ కిచ్లును ఈ నెల 30న కాజల్ వివాహం చేసుకున్నారు. చాలా తక్కువ మంది అతిథులతో వీరి వివాహం జరగనుంది. ఈ సందర్భంగా ఇప్పటికే పెళ్లి కార్యక్రమాలు వేగంగా సాగుతున్నాయి. ఇందుకు సంబంధించిన ఫొటోలు సామాజిక మాధ్యమాల వేదికగా చక్కర్లు కొడుతున్నాయి.
తాజాగా కాజల్ ఇంట ‘ హల్దీ వేడుక’ సందడిగా జరిగింది. ఈ వేడుకలో పసుపు వర్ణ దుస్తులు, పూల ఆభరణాలతో కాజల్ ‘చందమామ’లా మెరిసిపోయింది. అంతేకాదు, కుటుంబ సభ్యులతో కలిసి డ్యాన్స్‌ కూడా చేశారు.
కాజల్ సోదరి నిషా అగర్వాల్‌ తమ ఇంట్లో పనిచేసేవారికి బహుమతులు అందించారు. ఈ కార్యక్రమానికి సంబంధించిన ఫొటోలు, వీడియోలు ప్రస్తుతం సామాజిక మాధ్యమాల్లో అభిమానులను ఆకట్టుకుంటున్నాయి.