లూసిఫర్ రీమేక్‌లో గోవా బ్యూటీ..? తొలిసారి మెగాస్టార్‌తో జతకట్టనున్న అందాల తార.

ileana pairs with chiru: సుధీర్ఘ విరామం తర్వాత ఖైదీ నెంబర్ 150తో సినిమాల్లోకి ఎంట్రీ ఇచ్చిన చిరంజీవి తొలి సినిమాతోనే సూపర్ హిట్‌ను అందుకున్నారు. అయితే రెండో చిత్రంగా వచ్చిన ‘సైరా నర్సింహా రెడ్డి’ తర్వాత చిరు మళ్లీ వెండితెరపై కనిపిచంలేదు. అయితే ఇప్పుడా ఖాళీని భర్తీ చేయడానికి ఒకేసారి మూడు సినిమాలతో బిజీగా మారారు చిరంజీవి. ప్రస్తుతం కొరటాల శివ దర్శకత్వంలో ‘ఆచార్య’లో నటిస్తున్న చిరు.. ఆ తర్వాత లూసిఫర్, వేదాళం రీమేక్‌లో నటించనున్నారు.
ఇక లూసిఫర్ రీమేక్ విషయానికొస్తే ఈ చిత్రాన్ని తొలుత వి.వి.వినాయక్ డైరెక్ట్ చేస్తారని వార్తలు వచ్చాయి. అయితే చివరికి ఈ సినిమా తమిళ దర్శకుడు మోహన్ రాజా చేతుల్లోకి వెళ్లింది. ఆచార్య చిత్ర షూటింగ్ పూర్తికాగానే లూసిఫర్ రీమేక్ మొదలు పెట్టనున్నారు చిరు. ఇదిలా ఉంటే తాజాగా ఈ చిత్రానికి సంబంధించి ఓ వార్త సోషల్ మీడియాలో హల్‌చల్ చేస్తోంది. ఆ ప్రచారం ప్రకారం.. ఈ సినిమాలో చిరు సరసన గోవా బ్యూటీ ఇలియానా నటించనుంది. ఒకప్పుడు తెలుగులో బిజీ హీరోయిన్‌గా ఓ వెలుగు వెలిగిన ఇలియానా ప్రస్తుతం సినిమాలకు దూరంగా ఉంటూ వస్తోంది. చివరిగా రవితేజ సరసన ‘అమర్.. అక్బర్.. ఆంటోనీ’లో నటించిన ఈ చిన్నది మళ్లీ తెలుగు తెరపై కనిపించలేదు. ఇప్పుడు మళ్లీ చిరు సినిమాతో ఎంట్రీ ఇవ్వనుందనే చర్చ జరుగుతోంది. లూసిఫర్‌లో నటించడానికి ఇలియానా కూడా ఆసక్తి చూపిందని సమాచారం. మరి ఈ వార్తల్లో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచిచూడాలి.