Greater Elections Results 2020: కారు జోరు అత్తాపూర్‌, హైదర్ నగర్ డివిజన్లలో టీఆర్ఎస్ విజయం దిశగా దూసుకెళ్తోంది
గ్రేటర్‌ హైదరాబాద్‌ 61వ డివిజన్‌ అత్తాపూర్‌లో టీఆర్ఎస్ విజయం దిశగా దూసుకెళ్తోంది. తొలి రౌండ్‌ ముగిసే వరకు టీఆర్ఎస్ అభ్యర్థి చెరువుకు మాధవి సమీప ప్రత్యర్థి బీజేపీ అభ్యర్థిపై వెయ్యికిపైగా ఓట్ల..
గ్రేటర్‌ హైదరాబాద్‌ 61వ డివిజన్‌ అత్తాపూర్‌లో టీఆర్ఎస్ విజయం దిశగా దూసుకెళ్తోంది. తొలి రౌండ్‌ ముగిసే వరకు టీఆర్ఎస్ అభ్యర్థి చెరువుకు మాధవి సమీప ప్రత్యర్థి బీజేపీ అభ్యర్థిపై వెయ్యికిపైగా ఓట్ల ఆధిక్యం ప్రదర్శించారు. మాధవికి 6,859 ఓట్లు రాగా, బీజేపీ అభ్యర్థి ఎం సంగీతకు 5578 ఓట్లు వచ్చాయి. టీడీపీ అభ్యర్థి ఏ మాధవికి 118, కాంగ్రెస్‌ అభ్యర్థి వాసవికి 404 ఓట్లు వచ్చాయి. తొలిరౌండ్‌లో 14వేల ఓట్లకు 13,999 ఓట్లు చెల్లుబాటు కాగా, 661 ఓట్లు రిజక్ట్‌ అయ్యాయి. 52 ఓట్లు నోటాకు పోలయ్యాయి.
అటు, నగరంలోని హైదర్ నగర్ డివిజన్‌లోనూ టీఆర్ఎస్ అభ్యర్థి నార్నే శ్రీనివాస్ ఘన విజయం సాధించారు. 2010 ఓట్ల మెజార్టీతో గెలుపొందారు. దీంతో టీఆర్ఎస్ కార్యకర్తలు గెలుపు సంబరాల్లో మునిగితేలారు. కులమతాలకు, ప్రాంతాలకు అతీతంగా ప్రజలు టీఆర్‌ఎస్‌కు ఓట్లు వేశారని చెబుతున్నారు టీఆర్ఎస్ అభ్యర్థులు. ముఖ్యంగా ఆంధ్రా సెటిలర్లే తనను గెలిపించారని చెప్పిన నార్నే…వారికి కృతజ్ఞతలు తెలిపారు.