పెళ్లి కూతురికి కరోనా పాజిటివ్, అయినా పీపీఈ కిట్లు ఉన్నాయిగా ! జరిగిందండీ పెళ్లి !

రాజస్థాన్ లోని షాహనాబాద్  జిల్లాలో ఓ జంట పెళ్లి చేసుకుంది. ఇందులో వింతేముంది అనుకుంటే తప్పులో కాలేసినట్టే ! ఈ కరోనా కాలంలో దానికి తగినట్టే ఈ తంతు కూడా జరగాల్సిందేగా ! అందుకే పెళ్ళికూతురుకు కరోనా వైరస్ పాజిటివ్ సోకినా..నా వెడ్డింగ్ జరగాల్సిందే అని పట్టు బట్టింది. ఇక పెళ్లి కొడుకు కూడా  ఓకె చెప్పగా…పెళ్లి జరిపించే పురోహితుడు కూడా నసుగుతూనే సరే అన్నాడట ! కరోనా పీపీఈ కిట్లనే కోట్లుగా ధరించిన పురోహితుడు, అతని అసిస్టెంట్ కూడా మంత్రాలు చదువుతూ ఈ వివాహాన్ని కానిచ్చారు. మాస్కులు వగైరాలు  ధరించిన వధూవరులు ‘ ఏ కరోనా క్యా కరేగా’ అన్నట్టు ఒకింటివారయ్యారు. ఈ వీడియో వైరల్ అవుతోంది. ప్రభుత్వ గైడ్ లైన్స్ ప్రకారం అధికారుల అనుమతితో.. ఈ వినూత్న వివాహం జరిగింది. తలకు టర్బన్ చుట్టుకున్న వ్యక్తినే పెళ్లికొడుకుగా మనం గుర్తు పట్టాల్సి ఉంటుంది. అదీ సంగతి !