షాకింగ్: బ్రిట‌న్ ఆరోగ్య మంత్రికి క‌రోనా..ప్ర‌ధానికి క‌న్ఫామ్ అయిన కాసేప‌టికే..

బ్రిటన్ ప్రజలకు క‌రోనాకు సంబంధించి వ‌రుస షాకింగ్ న్యూస్ లు వెంటాడుతున్నాయి. తాజాగా ఆ దేశ హెల్త్ సెక్రటరీ మ్యాట్ హాన్‌కాక్ కరోనా వైరస్ సోకింది. బ్రిటన్ ప్రధాని బోరిస్ జాన్సన్ కు కోవిడ్ పాజిటివ్ అని తేలిన కొద్దిసేప‌టికే.. మ్యాట్ కూడా కోవిడ్ భారిన ప‌డ్డార‌ని తేలడంతో బ్రిటన్ ప్రజలు షాక్ కు గుర‌య్యారు. త‌నకు కోవిడ్ సోకిన విష‌యాన్ని సోష‌ల్ మీడియా ద్వారా తెలిపిన మ్యాట్..డాక్ట‌ర్స్ సూచ‌న మేరకు ప‌రీక్ష‌లు చేయించుకున్న‌ట్లు తెలిపారు. మైల్డ్ సింప్టమ్స్ కనిపిస్తున్నాయ‌ని.. హోమ్ ఐసోలేషన్‌లో ఉండి.. ఇంట్లో నుంచి పని చేయ‌బోతున్న‌ట్లు తెలిపారు.

ఇక బ్రిట‌న్ ప్ర‌ధాని బోరిస్ జాన్సన్ కోవిడ్ బారిన ప‌డ్డ విష‌యం తెలిసిన వెంట‌నే భార‌త‌ మోదీ ఆయ‌న‌కు ట్వీట్ చేశారు. ‘డియర్ పీఎం జాన్సన్.. మీరు యోధులు.. ఈ ఛాలెంజ్ ను కూడా అధిగ‌మిస్తారు. మీ ఆరోగ్యం, బ్రిట‌న్ ప్ర‌జ‌ల ఆరోగ్యం బాగుండాలని కోరుకుంటున్నా’ అని మోదీ ట్వీట్ చేశారు.