టాలీవుడ్ సూపర్ స్టార్ స్టామినా.. వైరల్ అవుతున్న మహేష్ బాబు 11 మిలియన్ హ్యాష్ ట్యాగ్

సూపర్ స్టార్ మహేష్ బాబుకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. మహేష్ సినిమా వచ్చిందంటే అభిమానులకు పండగే మహేష్ డై హార్ట్ ఫ్యాన్స్ హంగామా మాములుగా ఉండదు. ఇక మహేష్ ఇటీవల వరుస విజయాలతో దూసుకుపోతున్నాడు. సినిమాలతోనే కాదు సోషల్ మీడియా ఫాలోయింగ్ లోను మహేష్ టాప్ లో ఉన్నారు. మహేష్ ను సోషల్ మీడియాలో కోట్లమంది ఫాలో అవుతుంటారు.  తన సినిమా విశేషాలతో పాటు వ్యక్తిగత విషయాలను కూడా అభిమానులతో ఎప్పటికప్పుడు పంచుకుంటూ ఉంటాడు సూపర్ స్టార్. స్టార్ డమ్ వచ్చిన తర్వాత చాలా మంది సెలబ్రిటీలు తమ వ్యక్తిగత విషయాలను సోషల్ మీడియాలో పంచుకోవడానికి ఇష్టపడరు. కానీ మహేష్ మాత్రం తన ఫ్యామిలీతో గడిపిన క్షణాలను కూడా అభిమానులతో పంచుకుంటూ ఉంటాడు. ఇక తన సినిమాలతో పాటు ఇతరుల సినిమాలపై కూడా ప్రసంశలు కురిపిస్తూ ఉంటాడు. మహేష్ కు ఉన్న క్రేజ్ ను బట్టి చాలా మంది తమ సినిమా ట్రైలర్లను టీజర్లను మహేష్ తో రిలీజ్ చేయిస్తూ ఉంటారు. ఇక మహేష్ ట్విట్టర్ లో ఏకంగా 11 కోట్లమంది సంపాదించుకొని రికార్డ్ క్రియేట్ చేసిన విషయం తెలిసిందే. తమ అభిమాన హీరో రికార్డ్ క్రియేట్ చేయడంతో మహేష్ ఫ్యాన్స్ సోషల్ మీడియాలో హల్ చల్ చేస్తున్నారు. దక్షిణాది హీరోల్లో 11 మిలియన్ల క్లబ్ లో చేరిన తొలిహీరో మహేష్ కావడం విశేషం. దాంతో మహేష్ అభిమానులు 11 మిలియన్ మహేష్ యాష్ ట్యాగ్ ను ట్రెండ్ చేస్తున్నారు. ఇప్పటికే మహేష్ కు ఇన్‌స్టాగ్రామ్ లో 6.1 మిలియన్ ఫాలోవర్స్ ఉండగా ఫేస్ బుక్ లో 5.8 మిలియన్ ఫాలోవర్స్ ఉన్నారు.