Motivation: మీలో ఈ లక్షణాలుంటే.. విజయం మీకు బెస్ట్ ఫ్రెండ్‌లా మారుతుంది.
జీవితంలో విజయం సాధించాలని ప్రతీ ఒక్కరూ కోరుకుంటారు. విద్యార్థి దశలో ఉన్నప్పుడు మంచి మార్కులు తెచ్చుకోవాలని, చదువు పూర్తయ్యాక మంచి ఉద్యోగం సాధించాలని లేదా వ్యాపారంలో రాణించాలని ఇలా ప్రతీ ఒక్కరికీ కోరిక ఉంటుంది. అయితే ఏ రంగంలో రాణించాలన్నా, ఎందులో విజయం సాధించాలన్నా కచ్చితంగా మనిషికి కొన్ని లక్షణాలు ఉండాలి...
జీవితంలో విజయం సాధించాలని ప్రతీ ఒక్కరూ కోరుకుంటారు. విద్యార్థి దశలో ఉన్నప్పుడు మంచి మార్కులు తెచ్చుకోవాలని, చదువు పూర్తయ్యాక మంచి ఉద్యోగం సాధించాలని లేదా వ్యాపారంలో రాణించాలని ఇలా ప్రతీ ఒక్కరికీ కోరిక ఉంటుంది. అయితే ఏ రంగంలో రాణించాలన్నా, ఎందులో విజయం సాధించాలన్నా కచ్చితంగా మనిషికి కొన్ని లక్షణాలు ఉండాలి. ఆ లక్షణాలే మిమ్మల్ని విజయ తీరాలకు చేరుస్తాయి. అయితే ఇంతకీ ఆ లక్షణాలు ఏంటో ఇప్పుడు తెలుసుకుందాం..
* నేర్చుకోవడం అనేది మనిషి బతికి ఉన్నన్ని రోజులు కొనసాగే అంశం. జీవితంలో ప్రతీ క్షణం ఏదో ఒక కొత్త విషయాన్ని తెలుసుకోవాలని నిపుణులు చెబుతుంటారు. ఇలా నిత్యం నేర్చుకోవాలనే ఆసక్తి ఉన్న వారినే విజయం వరిస్తుందని మానసిక నిపుణులు చెబుతున్నారు. అందుకే ఎప్పుడూ ఏదో ఒక కొత్త కలను లేదా గేమ్స్‌ను నేర్చుకోవాలని చెబుతుంటారు. మరీ ముఖ్యంగా ప్రస్తుత పోటీ ప్రపంచంలో విజయం సాధించాలంటే నిత్య విద్యార్థిగా ఉండాల్సిన అవసరం ఎంతైనా ఉంది.
* జీవితంలో విజయం సాధించే వారు ఎవరైనా సరే వారికి ఇతరులతో మంచి సత్సంబంధాలు ఉంటాయి. కాలేజీలో స్నేహితులు, ఉద్యోగం చేసేప్పుడు కొలిగ్స్‌ ఇలా ప్రతీ ఒక్కరితో మంచి రిలేషన్‌ ఉండాలి. ముఖ్యంగా నిత్యం పాజిటివ్‌ యాటిట్యూడ్‌తో ఉన్న వారితో స్నేహం చేస్తే మీరు కూడా ఎప్పుడూ పాజిట్‌ దృక్పథంతోనే ఉంటారు.
* అనుకున్నది సాధించడానికి కృషి ఎంత ముఖ్యమో క్రమ శిక్షణ కూడా అంతే ముఖ్యమని చెబుతుంటారు. క్రమశిక్షణ లేకుండా మీరు ఎంత కష్టపడినా విజయాన్ని సాధించలేరని గుర్తు పెట్టుకోవాలి. క్రమశిక్షణ ఉన్నవారికే సమాజంలో గౌరవం లభిస్తుంది. వీరే విజయాలను అందుకోగలరు.
* అనునిత్యం సానుకూల దృక్పథంతో ఉండడం కూడా విజయంలో కీలక పాత్ర పోషిస్తుంది. మనలో కొందరు నిత్యం నెగిటివ్‌ ఆలోచనతో ఉంటారు. ఏ పని చేస్తే ఏమవుతుందో.? ఓడి పోతామేమో అనే సందేహంలో ఉంటారు. అయితే ఇలాంటి ఆలోచన ఉండే వారు జీవితంలో ఎప్పుడూ విజయాన్ని సాధించలేరని గుర్తుపెట్టుకోండి.
* బిజినెస్‌మ్యాన్‌ సినిమాలో మహేష్‌ బాబు చెప్పే ‘ఏ లక్ష్యమని లేని వారి చనిపోండి’అనే డైలాగ్ విజయం సాధించాలనుకునే వారికి బాగా ఉపయోగపడుతుంది. జీవితంలో ప్రతీ మనిషికి కచ్చితంగా ఏదో ఒక లక్ష్యం ఉండాలి. అయితే ఆ లక్ష్యం ఆకాశమంతా ఎత్తు ఉండాల్సిన అసవరం లేదు. మీ స్థాయికి, మీ ప్రతిభకు తగ్గట్లు కొన్ని చిన్న చిన్న లక్ష్యాలను ఏర్పాటు చేసుకొని వాటిని ఒక్కొక్కటీ సాధించుకుంటూ ముందుకు వెళ్తే మీకు జీవితంలో తిరుగే ఉండదు.
* ఇక జీవితంలో విజయం సాధించే వారు తమ గురించి కూడా జాగ్రత్తలు తీసుకుంటారు. ఆరోగ్యం విషయంలో కేర్‌ తీసుకుంటారు. సరైన నిద్ర, మంచి ఆహారపు అలవాట్లను చేసుకుంటారు. జీవితంలో ఏదైనా సాధించాలంటే ముందుగా మనం ఫిట్‌గా ఉండాలనేది ఈ పాయింట్ ముఖ్య ఉద్దేశం.
మరిన్ని ఇంట్రెస్టింగ్ వార్తల కోసం క్లిక్ చేయండి..