వామ్మో.. మూత్రంలో రక్తం కనిపించడం మూత్రపిండాల క్యాన్సర్కు సంకేతమా..?
కొంతమంది మూత్రంలో రక్తం రావడం సాధారణమని భావిస్తారు. ఇది ఒకటి లేదా రెండుసార్లు సంభవిస్తే, అది ఆందోళన చెందాల్సిన అవసరం లేదు. అయితే, ఈ సమస్య కొనసాగితే, అది కిడ్నీ క్యాన్సర్ లక్షణం కావచ్చని పేర్కొంటున్నారు ఆరోగ్య నిపుణులు.. మూత్రంలో రక్తం ఎందుకు వస్తుంది.. ఏ సమస్యలను సూచిస్తుంది..? నిపుణులు ఏం చెబుతున్నారు.. వివరాలను తెలుసుకుందాం..
మూత్రంలో రక్తం సాధారణ సమస్య కాదు. ఇది ఇన్ఫెక్షన్ లేదా మూత్రపిండాల్లో రాళ్లను కూడా సూచిస్తుంది. కానీ ఇది మూత్రపిండాల క్యాన్సర్ లక్షణం కూడా కావచ్చా? అంటే.. మూత్రంలో రక్తం ఎల్లప్పుడూ క్యాన్సర్కు సంకేతం కాదని వైద్యులు పేరొంటున్నారు.. కానీ దానిని విస్మరించడం ప్రమాదకరం. ఢిల్లీలోని సఫ్దర్జంగ్ హాస్పిటల్లో సీనియర్ రెసిడెంట్ అయిన డాక్టర్ దీపక్ కుమార్ సుమన్ వివరిస్తూ.. ప్రజలు మూత్ర సమస్యలను తేలికగా తీసుకుంటారని.. కానీ ప్రమాదకరమని వివరించారు. రోగులు లక్షణాలను అనుభవించినప్పటికీ, అవి సాధారణమైనవని భావించి తరచుగా వాటిని విస్మరిస్తారు. మూత్రం దుర్వాసన రావడం, మూత్ర విసర్జన సమయంలో మంట వంటి లక్షణాలు తరచుగా పట్టించుకోరు. అయితే, మూత్రంలో రక్తం అనేది ఎప్పటికీ విస్మరించకూడని సంకేతం.
మూత్రంలో రక్తం ఎందుకు కనిపిస్తుంది?
మూత్ర సంక్రమణ (UTI)
మూత్రపిండాల్లో రాళ్ళు
కొన్ని మందుల దుష్ప్రభావాలు
ప్రోస్టేట్ సంబంధిత సమస్యలు
మూత్రంలో రక్తం ఎప్పుడు క్యాన్సర్ లక్షణం కావచ్చు?
మూత్రంలో రక్తం ఉండటం కిడ్నీ క్యాన్సర్కు ఏకైక సంకేతం కాదని డాక్టర్ దీపక్ అంటున్నారు. ఇతర లక్షణాలు ఉండి, ఎక్కువ కాలం కొనసాగితే, అది క్యాన్సర్కు సంకేతం కావచ్చు. ఉదాహరణకు, మూత్రంలో రక్తం తరచుగా కనిపిస్తుంటే, నొప్పి, బరువు తగ్గడం లేదా వీపులో ఒక వైపు తీవ్రమైన నొప్పితో పాటు ఉంటే, వెంటనే పరీక్ష చేయించుకోవాలి. అది క్యాన్సర్ అయినప్పటికీ, దాని ప్రారంభ దశలోనే గుర్తించవచ్చు.
పరీక్ష ఎలా జరుగుతుంది?..
ప్రారంభంలో, మూత్ర పరీక్ష లేదా అల్ట్రాసౌండ్ నిర్వహిస్తారు. కొన్ని సందర్భాల్లో, సిస్టోస్కోపీ కూడా నిర్వహిస్తారు. అయితే, ఇది తీవ్రమైన లక్షణాలు ఉన్న రోగులకు మాత్రమే సిఫార్సు చేస్తారు. రక్తంతో కూడిన మూత్రం ఒక రోజు పాటు ఉంటే, అది పెద్ద ఆందోళన కాదని డాక్టర్ దీపక్ అంటున్నారు. అయితే, ఇది రెండు రోజుల కంటే ఎక్కువ కాలం కొనసాగితే, ఆలస్యం చేయకుండా వైద్యుడిని సంప్రదించడం ముఖ్యం.
మిమ్మల్ని మీరు రక్షించుకోవడానికి ఏమి చేయాలి
రోజుకు కనీసం 7 గ్లాసుల నీరు త్రాగాలి
మంచి ఆహారం, జీవనశైలిని అవలంభించాలి.. చిన్నపాటి నడక ఉత్తమం..
మీరు సంక్రమణ సంకేతాలను గమనించినట్లయితే, వెంటనే చికిత్స తీసుకోండి.
మూత్రంలో రక్తం వస్తే నిర్లక్ష్యం చేయకండి. వెంటనే వైద్యులను సంప్రదించండి..
మరిన్ని హెల్త్ వార్తల కోసం ఇక్కడ క్లిక్ చేయండి..