థియేటర్స్ దద్దరిల్లాల్సిందే.. రామ్ చరణ్ పెద్ది సినిమాలో ఆ అమ్మడి స్పెషల్ సాంగ్..

Peddi

గ్లోబల్ స్టార్ రామ్ చరణ్ ఆర్ఆర్ఆర్ సినిమాతో పాన్ ఇండియా స్థాయిలో గుర్తింపు తెచ్చుకున్నాడు. ఆర్ఆర్ఆర్ సినిమా తర్వాత చరణ్ నటించిన గేమ్ ఛేంజర్ సినిమా ప్రేక్షకుల ముందుకు వచ్చింది. శంకర్ దర్శకత్వంలో వచ్చిన ఈ సినిమా భారీ అంచనాల మధ్య విడుదలైంది. కానీ ఈ సినిమా ఆశించిన స్థాయిలో విజయం సాధించలేదు. భారీ బడ్జెట్ తో తెరకెక్కిన ఈ సినిమా ప్రేక్షకులను నిరాశపరిచింది. ఈ సినిమా తర్వాత ఇప్పుడు పెద్ది అనే సినిమాతో ప్రేక్షకుల ముందుకు రానున్నాడు చరణ్. బుచ్చిబాబు సాన ఈ సినిమాకు దర్శకత్వం వహిస్తున్నారు. ఈ సినిమాలో జాన్వీ కపూర్ హీరోయిన్ గా నటిస్తుంది.

ఈ సినిమా ఒక స్పోర్ట్స్ డ్రామాగా ఉంటుందని అంటున్నారు. ఈ సినిమాలో క్రికెట్, కుస్తీ, కబడ్డీ వంటి వివిధ ఆటలు ఉంటాయని. రామ్ చరణ్ ఒక ‘ఆట కూలీ’ పాత్రలో కనిపిస్తాడని అంటున్నారు. ఇప్పటికే ఈ సినిమా నుంచి విడుదలైన ఫస్ట్ టీజర్ ప్రేక్షకులను మెప్పించింది. ఈ సినిమాలో చరణ్ లుక్ చాలా డిఫరెంట్ గా ఉంది. ఇక ఈ సినిమా షూటింగ్ శరవేగంగా జరుగుతుంది. ఇదిలా ఉంటే తాజాగా ఈ సినిమా గురించిన ఓ న్యూస్ ఫిలిం సర్కిల్స్ లో చక్కర్లు కొడుతుంది. పెద్ది సినిమాకు ఏఆర్ రెహమాన్ సంగీతం అందిస్తున్నారు.

పెద్ది సినిమాలో అదిరిపోయే స్పెషల్ సాంగ్ ఉంటుందని సమాచారం. ఈ సాంగ్ లో అందాల భామ శ్రీలీల చరణ్ తో కలిసి డాన్స్ చేయనుందని టాక్. ఇప్పటికే పుష్ప 2 సినిమాలో శ్రీలీల డాన్స్ చేసి మెప్పించిన విషయం తెలిసిందే.. ఈ సాంగ్ ఎంత పాపులర్ అయ్యిందో అందరికి తెలుసు. ఇక ఇప్పుడు పెద్ది సినిమాలోనూ శ్రీలీల స్పెషల్ సాంగ్ లో స్టెప్ లేస్తుందని అంటున్నారు. మరి ఈ వార్తల్లో వాస్తవమెంత అన్నది తెలియాల్సి ఉంది. మైత్రీ మూవీ మేకర్స్, వృద్ధి సినిమాస్, సుకుమార్ రైటింగ్స్ బ్యానర్లపై భారీ బడ్జెట్‌తో ఈ సినిమాను నిర్మిస్తున్నారు. . బుచ్చిబాబు రంగస్థలం స్థాయిలో పవర్‌ఫుల్ క్యారెక్టరైజేషన్‌తో సినిమాను తీర్చిదిద్దుతున్నారని, ఇది చరణ్ గ్లోబల్ ఇమేజ్‌ను మరింత పెంచే చిత్రం అవుతుందని అభిమానులు ఆశిస్తున్నారు.