సౌత్ ఇండియన్ శృంగార తారగా వెలుగొందిన షకీల అందరికి సుపరిచితమే. ఆమె బయోపిక్ ఆధారంగా వస్తున్న షకీల సినిమా క్రిస్మస్ సందర్భంగా నిన్న హిందీలో విడుదలైంది. ఈ సినిమాను డబ్బింగ్ చేసి జనవరి 1వ తేదీన తెలుగులో రిలీజ్ చేయనున్నారు. ఈ నేపథ్యంలో తాజాగా ‘షకీలా’ తెలుగు ట్రైలర్ ని చిత్ర బృందం విడుదల చేసింది.
90స్ లలో తన చిత్రాలతో ఇండస్ట్రీ మొత్తాన్ని ఒక ఊపు ఊపేసిన షకీల, తెలుగు తమిళ కన్నడ మలయాళం భాషలో అడల్ట్ చిత్రాలలో అందరిని అలరించింది. అంతేకాకుండా స్టార్ హీరోయిన్లను వెనకకు నెట్టి కెరియర్ను టాప్ రేంజ్లో కొనసాగించింది. కాగా ప్రస్తుత సినిమాలో బాలీవుడ్ హీరోయిన్ రిచా చద్దా టైటిల్ పోషించగా, పంకజ్ త్రిపాఠి కీలక పాత్రలో నటించారు. ఇంద్రజిత్ లంకేశ్ ఈ చిత్రానికి దర్శకత్వం వహిస్తున్నారు. ఈ మూవీలో అసలు షకీలా సినిమాలలోకి ఎలా వచ్చింది, తన బోల్డ్ సినిమాలతో ఎలాంటి అనుభవాను ఎదుర్కొంది. ఆమె సక్సెస్ మరియు ఫెయిల్యూర్స్ ఇంకా చాలా అంశాలు ఇందులో ప్రస్తావించినట్లు అర్థం అవుతోంది. పంకజ్ త్రిపాఠి అలనాటి సౌత్ స్టార్ హీరో పాత్రలో అద్భుతంగా నటించి ఆకట్టుకున్నారని తెలుస్తోంది.