ఊహించని షాక్..! ప్రభాస్ స్పిరిట్ సినిమా నుంచి ఆ స్టార్ నటుడు అవుట్..

Spirit

రెబల్ స్టార్ ప్రభాస్ హీరోగా నటించిన రాజా సాబ్ సినిమా ఇటీవలే ప్రేక్షకుల ముందుకు వచ్చిన విషయం తెల్సిందే.. సంక్రాంతి కానుకగా ఈ సినిమా ప్రేక్షకుల ముందుకు వచ్చింది. జనవరి 9న విడుదలైన ఈ సినిమా డివైడ్ టాక్ తెచ్చుకుంది. విడుదలకు ముందు భారీ అంచనాలు క్రియేట్ చేసిన ఈ సినిమా ప్రేక్షకులను నిరాశపరిచింది. మారుతి దర్శకత్వంలో ఈ సినిమా తెరకెక్కింది. హారర్ కామెడీ థ్రిల్లర్ గా తెరకెక్కిన ఈ సినిమాలో నిధిఅగార్వల్, రిద్ది కుమార్, మాళవికామోహనన్ హీరోయిన్స్ గా నటించారు. ఇదిలా ఉంటే ఇప్పుడు సందీప్ రెడ్డి వంగ దర్శకత్వంలో స్పిరిట్ అనే సినిమా చేస్తున్నారు. ఈ సినిమా నుంచి విడుదలైన పోస్టర్ ఆడియన్స్ మైండ్ బ్లాక్ చేసింది.

అర్జున్ రెడ్డి, యానిమల్ సినిమాలతో ఇండస్ట్రీలో స్టార్ డైరెక్టర్ గా పేరు తెచ్చుకున్నారు సందీప్ రెడ్డి. ఇక ఇప్పుడు ప్రభాస్ తో స్పిరిట్ అనే సినిమా చేస్తున్నాడు సందీప్. ఈ సినిమాలో ప్రభాస్ పోలీస్ ఆఫీసర్ గా కనిపించనున్నాడని ఇప్పటికే హింట్ ఇచ్చారు సందీప్.. మొనీమధ్య విడుదల చేసిన స్పిరిట్ పోస్టర్ ఫ్యాన్స్ కు పూనకాలు తెప్పించింది. ఈ సినిమాలో త్రిప్తి డిమ్రీ హీరోయిన్ గా నటిస్తుంది. ఇదిలా ఉంటే ఇప్పుడు స్పిరిట్ సినిమా నుంచి ఓ స్టార్ నటుడు తప్పుకుంటున్నాడని టాక్ వినిపిస్తుంది.

స్పిరిట్ సినిమాలో ప్రభాస్ రాజ్ కీలక పాత్రలో నటిస్తున్నాడని తెలుస్తుంది. ఈ సినిమా పోస్ట్ ప్రొడక్షన్ పనులు శరవేగంగా జరుగుతున్నాయి. కాగా ఈ సినిమా నుంచి ప్రకాష్ రాజ్ తప్పుకున్నాడని ఫిలిం సర్కిల్స్ లో టాక్ వినిపిస్తుంది. ఓ సీన్ విషయంలో ఇద్దరి మధ్య డిఫరెన్స్ రావడంతో ప్రకాష్ రాజ్ సినిమా నుంచి తప్పుకున్నారని అంటున్నారు. సందీప్ రెడ్డి, ప్రకాష్ రాజ్ ఇద్దరూ ముక్కుసూటిగా మాట్లాడే వ్యక్తులు.. దాంతో ఇద్దరి మధ్య చిన్న ఇష్యు వచ్చిందని అంటున్నారు. అయితే ఈ వార్త పై ఎలాంటి అధికారిక ప్రకటన రాలేదు. త్వరలోనే దీని పై క్లారిటీ రానుంది.

మరిన్ని ఎంటర్టైన్మెంట్ వార్తల కోసం ఇక్కడ చూడండి..