Raviteja: ‘రావణాసుర’ గా రవితేజ.. అదిరిపోయిన మాస్‌ మహారాజా ఫస్ట్‌ లుక్‌..

మాస్‌ మహారాజా రవితేజ స్పీడ్‌ పెంచుతున్నాడు. యువ హీరోలకు దీటుగా వరుసగా సినిమాలు చేస్తున్నాడు. ఈ ఏడాది ప్రారంభంలో ‘క్రాక్‌’ సినిమాతో సూపర్‌ హిట్‌ అందుకున్న అతడు ఇప్పటికే ‘ఖిలాడీ’, ‘రామారావ్‌ ఆన్‌ డ్యూటీ’, ‘ధమాకా’ సినిమాల్లో నటిస్తున్నాడు. ఇక దీపావళి రోజు ‘టైగర్‌ నాగేశ్వరరావు’ అంటూ తన కొత్త సినిమాను ప్రకటించిన రవితేజ.. శుక్రవారం మరో కొత్త చిత్రాన్ని అనౌన్స్‌ చేశాడు. ‘స్వామిరారా’, ‘దోచెయ్‌’, ‘కేశవ’ సినిమాలతో డైరెక్టర్‌గా మంచి గుర్తింపు తెచ్చుకున్న సుధీర్‌ వర్మ దర్శకత్వంలో ఆయన నటించనున్నాడు.

‘రావణాసుర’ అనే టైటిల్‌తో రూపొందనున్న ఈ సినిమాకు సంబంధించిన ఫస్ట్‌ లుక్‌ను చిత్ర బృందం విడుదల చేసింది. టైటిల్‌కు తగ్గట్లుగానే ఈ పోస్టర్‌లో రవితేజ పది తలలతో కనిపించాడు. పుర్రెను పోలిన సింహాసనంపై స్టైలిష్‌గా కూర్చొని ఫ్యాన్స్‌ను ఆకట్టుకున్నాడు. త్వరలోనే ఈ సినిమా రెగ్యులర్‌ షూటింగ్ ప్రారంభం కానుందని, హీరోయిన్‌ ఇతర తారాగణం వివరాలను త్వరలోనే వెల్లడిస్తామని చిత్రబృందం ప్రకటించింది.

Also Read:

Tollywood Diwali celebrations: దీపావళి కాంతుల్లో మెరిసిన మన సినీ తారలు.. ఆకట్టుకుంటున్న ఫొటోస్…

Ram Charan : పునీత్ లేరంటే నమ్మలేకపోతున్నా.. ఎమోషనల్ అయిన రామ్ చరణ్..

Jr NTR: యంగ్ టైగర్ ఎన్టీఆర్‌కు మైనర్ సర్జరీ.. జిమ్‌లో వర్కౌట్స్ చేస్తుండగా గాయం..