Liger Trailer:  అంచనాలను ఆకాశానికి ఎత్తేశాడు పూరి .. లైగర్ ట్రైలర్ పై మెగాస్టార్ రియాక్షన్..

Megastar Chiranjeevi

మోస్ట్ అవైయిటెడ్ చిత్రం లైగర్ (Liger). రౌడీ హీరో విజయ్ దేవరకొండ  (Vijay Devarakonda)ప్రధాన పాత్రలో మాస్ డైరెక్టర్ పూరి జగన్నాథ్ తెరకెక్కిస్తోన్న ఈ మూవీపై అంచనాలు భారీగా నెలకొన్నాయి . ఇక ఎప్పుడెప్పుడా అని ఎంతో ఆసక్తిగా ఎదురుచూస్తున్న లైగర్ ట్రైలర్‏ను మెగాస్టార్ చిరంజీవి సోషల్ మీడియా వేదికగా రిలీజ్ చేశారు. అంచనాలను ఆకాశానికి ఎత్తేశాడు డైరెక్టర్ పూరి.. ఇదిగో లైగర్ ట్రైలర్ అంటూ చిత్రయూనిట్ కు ఆల్ ది బెస్ట్ చెప్పారు చిరు. తాజాగా విడుదలైన ట్రైలర్ యూట్యూబ్ ను షేక్ చేస్తుంది.  మొదటి నుంచి ఈ సినిమా పై ఉన్న అంచనాలకు ఏమాత్రం తగ్గకుండా ఉంది లైగర్ ట్రైలర్.

విజయ్ మేకోవర్, డైలాగ్ డెలివరీ ప్రేక్షకుల చేత విజిల్స్ కొట్టించడం ఖాయంగా కనిపిస్తోంది. ఇందులో విజయ్ తల్లిగా సీనియర్ హీరోయిన్ రమ్యకృష్ణ కనిపించనుంది. బాక్సింగ్ నేపథ్యంలో తెరకెక్కుతోన్న లైగర్ మూవీలో విజయ్ బాక్సార్ గా కనిపించనున్నారు. అలాగే ఇందులో లెజెండ్రీ బాక్సర్ మైక్ టైసన్ పవర్ ఫుల్ పాత్రలో కనిపించనున్నట్లుగా తెలుస్తోంది. ఇప్పటికే షూటింగ్ పూర్తిచేసుకున్న ఈ చిత్రాన్ని ఆగస్ట్ 25న పాన్ ఇండియా లెవల్లో విడుదల చేయనున్నారు. బాలీవుడ్ ప్రొడ్యూసర్ కరణ్ జోహర్, ఛార్మీ, పూరి కలిసి నిర్మిస్తున్న ఈ సినిమా బాక్సాఫీస్ ను షేక్ చేయడం ఖాయంగా కనిపిస్తోంది.

మెగాస్టార్ చిరంజీవి ట్వీట్..

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.