Balakrishna: విజయదశమికి ఆయుధపూజ.. బాలకృష్ణ నెక్ట్స్ సినిమాపై క్రేజీ అప్డేట్..

Nandamuri Balakrishna

ఇటీవలే వీరసింహా రెడ్డి సినిమాతో బ్లాక్ బస్టర్ హిట్ అందుకున్నాడు నందమూరి నటసింహం బాలకృష్ణ. గోపిచంద్ మలినేని దర్శకత్వం వహించిన ఈ మాస్ యాక్షన్ చిత్రానికి మంచి రెస్పాన్స్ వచ్చింది. ఈ సినిమా తర్వాత బాలయ్య ప్రస్తుతం డైరెక్టర్ అనిల్ రావిపూడి దర్శకత్వంలో ఓ ప్రాజెక్ట్ చేస్తున్నారు. ఇందులో కాజల్, శ్రీలీల కీలకపాత్రలలో నటిస్తున్నారు. కొద్ది రోజులుగా ఈ మూవీ చిత్రీకరణ శరవేగంగా జరుగుతుంది. ప్రస్తుతం ఎన్బీకే 108 అనే వర్కింగ్ టైటిల్ తో తెరకెక్కుతున్న ఈ చిత్రం నుంచి ఇటీవల విడుదలైన ఫస్ట్ లుక్ పోస్టర్ అంచనాలను పెంచేసింది. ఈ పోస్టర్ 90’s బాలయ్యను మరోసారి గుర్తుచేసిందంటూ కామెంట్స్ చేశారు ఫ్యాన్స్. తాజాగా ఈ సినిమా నుంచి మరో క్రేజీ అప్డేట్ ఇచ్చారు మేకర్స్.

దసరా కానుకగా ఈ సినిమా ప్రేక్షకుల ముందుకు రానున్నట్లు తెలిపింది. విజయదశమికి ఆయుధ పూజ అంటూ సినిమా విడుదల ఎప్పుడనేది వినూత్నంగా ప్రకటించింది చిత్రయూనిట్. అంతేకాకుండా టైటిల్ ను త్వరలోనే అనౌన్స్ చేయబోతున్నట్లు చెప్పింది. అంతుకుముందు సిద్ధం కండి.. ఒస్తున్నాం అంటూ అప్డేట్ పై నిర్మాణ సంస్థ షైన్ స్క్రీన్స్ ట్వీట్ చేసింది. అలాగే “దుష్ట కోటలను జయించేందుకు నటసింహానికి ఈ విజయదశమి దారి చూపుతుంది” అంటూ డైరెక్టర్ అనిల్ రావిపూడి ట్వీట్ చేశారు.

దీంతో బాలయ్య ఫ్యాన్స్ ఖుషి అవుతున్నారు. ఇక తాజాగా విడుదల చేసిన పోస్టర్ తో ఎన్బీకే 108పై అంచనాలు మరింత పెరిగిపోయాయి. ఇప్పటికే ఓ షెడ్యూల్ కంప్లీట్ చేసుకున్న ఈ సినిమా ప్రస్తుతం రెండో షెడ్యూల్ జరుపుకుంటుంది.

మరిన్ని సినిమా వార్తల కోసం ఇక్కడ క్లిక్ చేయండి.