Dhurandhar 2: ధురంధర్ 2లో ప్రధాని మోదీ గురించి సర్‌ప్రైజింగ్ సీన్స్…

Dhurandhar 2

ఆదిత్య ధర్ దర్శకత్వంలో రూపొందిన “ధురంధర్ ది రివెంజ్” సినిమాకు పాజిటివ్ రివ్యూస్ వస్తున్నాయి. ముఖ్యంగా ఈ చిత్రం ఇంటర్నెట్‌లో తెగ ట్రెండ్ అవుతోంది. మూవీలో రణవీర్ సింగ్, సంజయ్ దత్, అర్జున్ రాంపాల్, ఆర్. మాధవన్ ప్రధాన పాత్రల్లో నటించారు. ఈ సినిమా ఫస్ట్ పార్ట్ విడుదలై సంచలన విజయం సాధించినప్పటి నుంచి “ధురంధర్ 2” కోసం అభిమానులు ఆసక్తిగా ఎదురుచూశారు. తాజాగా “ధురంధర్ 2” విడుదల అవ్వడంతో, థియేటర్లలో ప్రేక్షకుల రద్దీ భారీగా కనిపిస్తోంది. విడుదలైన మొదటి రోజు నుంచే ప్రేక్షకులు పెద్ద ఎత్తున సినిమాను చూసేందుకు తరలి వస్తున్నారు. ఈ సీక్వెల్‌లో దర్శకుడు ఆదిత్య ధర్ అనేక ఆశ్చర్యకరమైన అంశాలను చేర్చారు. ముఖ్యంగా, వాస్తవ జీవితానికి దగ్గరగా ఉండే సన్నివేశాలు ప్రేక్షకులను ఆకట్టుకుంటున్నాయి.

ఈ చిత్రంలో భారత ప్రధాని నరేంద్ర మోదీకి సంబంధించిన అంశాలు ప్రత్యేకంగా చర్చనీయాంశంగా మారాయి. సామాజిక మాధ్యమాల్లో ప్రస్తుతం వైరల్ అవుతున్న ఒక వీడియో క్లిప్‌లో, నోట్ల రద్దు సంఘటనను ప్రతిబింబించే సన్నివేశం చూపించారు. దేశంలో అకస్మాత్తుగా నోట్ల రద్దు జరిగిన సందర్భాన్ని ఇందులో ప్రదర్శించారు. అలాగే, 2014 ఎన్నికల విజయానికి సంబంధించిన ఘటనలు కూడా కనిపిస్తున్నాయి. సినిమాలో నరేంద్ర మోదీ పాత్రను ఒక నటుడు పోషించగా, ఆయన అజయ్ సన్యాల్‌తో కలిసి ఒక మిషన్ గురించి సమావేశంలో చర్చిస్తున్నట్లు చూపించారు. దావూద్ ఇబ్రాహీం పాత్ర ద్వారా మోదీ గురించి మాట్లాడే సన్నివేశం కూడా ఉంది. ఇందులో మోదీ తనకు ఎలా సవాల్‌గా మారాడో వివరించే విధంగా చూపించడం ఆసక్తిని రేకెత్తిస్తోంది. మొత్తంగా “ధురంధర్ 2”లో అనేక ఆశ్చర్యకరమైన మలుపులు, నిజ జీవితానికి దగ్గరగా ఉండే కథనం, ప్రేక్షకులను మరింత ఉత్సాహపరుస్తున్నాయి. ఈ సినిమా ప్రస్తుతం చర్చల్లో నిలిచి, మంచి ఆదరణ పొందుతోంది.