Top Folk Song: తెలుగు జానపద గేయాల్లో సంచలనం.. ఏకంగా 479 మిలియన్ల వ్యూస్..
తెలుగులో పల్లె పాటల్ని జనం భలే ఆదరిస్తారు. మంచి పదాలతో, కవిత్వంతో పాట రాస్తే.. శ్రోతలు ఆ సాంగ్కు పక్కాగా మిలియన్ల వ్యూస్ ఇచ్చేస్తారు. అలాంటి ఓ పాపులర్ సాంగ్ను ఈ రోజు మీ ముందుకు తెచ్చాం.. ఈ పాట వినగానే ఓ వైబ్ మొదలవుతుంది.
తెలుగులో జానపద గేయాలకు ఎప్పుడూ సెపరేట్ రీచ్ ఉంటుంది. యూట్యూబ్లో ఈ పాటలకు మిలియన్ల రీచ్ ఉంటుంది. జానాపదాలను ఇష్టపడే వాళ్లు అలా లూప్లో వింటూనే ఉంటారు. ఇప్పుడు మీ ముందుకు ఓ టాప్ వ్యూస్ ఉన్న ఫోక్ సాంగ్ తీసుకొచ్చాం. ఈ పాట అంటే చాలామందికి ప్రాణం. ఇంక దాచేది ఏముంది.. ఆ పాట మరేదో కాదు ‘నీ బుల్లెట్ బండెక్కి వచ్చేత్తపా…’. నాలుగేళ్ల క్రితం ఈ పాట సెన్సేషన్ క్రియేట్ చేసింది. ఆటోల్లో.. కార్లలో.. ఫంక్షన్లో మారుమోగిపోయింది. ఈ పాటకు ఎస్కే బాజి సంగీతం సమకూర్చారు. లక్ష్మణ్ లిరిక్స్ అందించగా.. సింగర్ మోహన భోగరాజు అద్భుతంగా ఆలపించారు. సినిమా పాటలు పాడుతున్నప్పటికీ అప్పుడప్పుడు ఫోక్ సాంగ్స్తో కూడా అలరిస్తుంది ఈ గాయని. ఈ పాటకు యూట్యూబ్లో 479 మిలియన్ల వ్యూస్ ఉన్నాయి అంటే.. సాంగ్ జనాల్లోకి ఎంతలా చొచ్చుకెళ్లిందో అర్థం చేసుకోవచ్చు. సాంగ్లోనిసాహిత్యం, పదాల కూర్పు, తెలంగాణతనం అందర్నీ కట్టిపడేశాయి.
ఈ పాట విజయం వెనుక ఈ బృందం సమిష్టి కృషి, సృజనాత్మకత ఉంది. ఇలాంటి పాటలు ప్రజలకు బాగా నచ్చుతాయని, భావోద్వేగాలతో కూడిన, సృజనాత్మక ఆలోచనలతో ఏదైనా సాధ్యమని బుల్లెట్టు బండి పాట నిరూపించింది. అనేక మంది ఈ పాటకు నృత్యాలు చేస్తూ, వీడియోలు రూపొందిస్తూ ఇప్పటికీ అప్లోడ్ చేస్తుండటం దీని కొనసాగుతున్న ప్రాముఖ్యతకు నిదర్శనం. బుల్లెట్టు బండి పాట తెలుగు ప్రేక్షకులలో చిరస్థాయిగా నిలిచిపోయింది.
మరిన్ని సినిమా వార్తల కోసం ఇక్కడ క్లిక్ చేయండి.