Bigg Boss 6- Smitha: బిగ్‏బాస్ షోపై సింగర్ స్మిత సెన్సెషనల్ కామెంట్స్.. ఎవరైనా వెళ్తే ఆ మాట అడిగేస్తుందట..

Smita

బిగ్‏బాస్ (Bigg Boss 6) రియాల్టీకి షోకు ఉన్న క్రేజ్ గురించి తెలిసిందే. అన్ని భాషల్లోనూ దూసుకుపోతున్న ఈ షో.. ఇక ఇప్పుడు తెలుగులో 5 సీజన్లు పూర్తిచేసుకుని 6వ సీజన్ ప్రారంభమైంది. సెప్టెంబర్ 4న మొత్తం 21 మంది కంటెస్టెంట్లతో ఎంత గ్రాండ్ గా ప్రారంభమైంది. ఇక ఎప్పటిలాగే ఈ సీజన్ కు కూడా నాగార్జున హోస్ట్ గా వ్యవహరిస్తున్నారు. అయితే ఈ షోకు జనాల్లో ఎంత క్రేజ్ ఉన్నప్పటికీ మరోవైపు నెగిటివ్ కామెంట్స్ కూడా వస్తుంటాయి. ఇక సెలబ్రెటీలు ఈషోలోకి వెళ్లేందుకు ఆసక్తి చూపిస్తే మరికొందరు మాత్రం అసలు బిగ్‏బాస్ షోనే నచ్చదు అంటున్నారు. గతంలో చాలా మంది తారలు బిగ్‏బాస్ షో తమకు నచ్చదని.. ఆఫర్ వచ్చినా వెళ్ళమని చెప్పిన సంగతి తెలిసిందే. తాజాగా పాప్ సింగర్ స్మిత సైతం బిగ్‏బాస్ షోపై సెన్సెషనల్ కామెంట్స్ చేశారు. ఈ కార్యక్రమం తనకు అస్సలు నచ్చదని అన్నారు.

ఇటీవల ఓ యూట్యూబ్ ఛానల్ కు ఇచ్చిన ఇంటర్వ్యూలో స్మిత మాట్లాడుతూ.. బిగ్‏బాస్ నాకు అస్సలు నచ్చని షో. ఒకవేళ నాకు ఆ షోలోకి వెళ్లే అవకాశం వస్తే పొరపాటున కూడా వెళ్లి తప్పు చేయను. అన్ని రోజులపాటు కుటుంబాన్ని వదిలి ఉండాల్సిన అవసరం లేదు. నాకు తెలిసిన వాళ్లు ఎవరైనా అక్కడి వెళ్తున్నారని తెలిస్తే ఏం వచ్చింది మీకు ? అని అడిగేస్తా. కొందరిని ఒక చోట పెట్టి మీరు తన్నుకోండి మేము టీఆర్పీలు తెచ్చుకుంటాం అన్నట్టు ఉంటుంది అక్కడి పరిస్థితి. ఆ షోను చూడను. చూసిన అది నాకు అర్థం కాదు. నాకు ఇష్టమైన కొందరు ఆ షోకు వెళ్లారు. ఇప్పుడు ఏమైనా మాట్లాడితే వాళ్లను విమర్శించినట్లు అవుతుంది. అందుకే ఆ షో గురించి ఎక్కువగా మాట్లాడాలనుకోవడం లేదు అంటూ చెప్పుకొచ్చారు స్మిత. అలాగే డిసెంబర్ నెలలో తన డ్రీమ్ ప్రాజెక్ట్ పట్టాలెక్కనుందని.. ఐదేళ్ల నుంచి ఆ ప్రాజెక్ట్ కోసం పనిచేస్తున్నట్లు తెలిపారు.