ఆ పాత్ర కోసం నాన్న సలహాలు తీసుకున్నా

Shruti Haasan on Yaara movie: లోకనాయకుడు కమల్‌ హాసన్‌ వారసురాలిగా ఇండస్ట్రీలోకి ఎంట్రీ ఇచ్చిన శ్రుతీ హాసన్‌.. తండ్రికి తగ్గ తనయగా పేరును సంపాదించుకుంది. అయితే నటిగా మంచి స్టేజ్‌లో ఉన్నప్పటికీ.. ఇటీవల ఓ పాత్ర కోసం తన తండ్రి సలహాలను తీసుకుంటుందట ఈ బ్యూటీ. ఈ విషయాన్ని ఓ ఇంటర్వ్యూలో వెల్లడించారు శ్రుతీ. విద్యుత్‌ జమ్వాల్‌ హీరోగా తెరకెక్కిన ‘యారా’లో శ్రుతీ హీరోయిన్‌గా నటించిన విషయం తెలిసిందే. 1970లో జరిగిన కథాంశంగా తెరకెక్కిన ఈ మూవీలో శ్రుతీ, సుకన్య అనే పాత్రలో నటించింది.

దీనిపై మాట్లాడుతూ.. ‘’నా పాత్రల గురించి నాన్నతో పెద్దగా చర్చించను. ఏ పాత్ర అయినా నా స్టైల్‌లో చేయాలనుకుంటా. కానీ యారాలో సుకన్య పాత్ర ఎలా చేయాలో అర్థం కాలేదు. అందుకే వెంటనే నాన్నకు ఫోన్ చేసి సలహాలు తీసుకున్నా. మనకు పరిచయం లేని పాత్రల్లో నటించేటప్పుడు ఆ పాత్రను ముందుగా అర్థం చేసుకోవాలి. కట్టూ బొట్టూ విషయంలో చాలా జాగ్రత్తలు తీసుకోవాలి. ఆ పాత్ర గురించి తెలిసిన వాళ్లు ఇలా చేసింది ఏంటి అని అనుకోకుండా చేయాలి అని నాన్న సలహాలు ఇచ్చారు. అవి చాలా ఉపయోగపడ్డాయి. ఇలాంటి పాత్రలు చేసినప్పుడు బాగానే చేసింది అన్నది కూడా పెద్ద ప్రశంసగాగే ఉంటుంది” అని శ్రుతీ పేర్కొన్నారు. కాగా యారా చిత్రం త్వరలోనే ఓటీటీలో ప్రేక్షకుల ముందుకు రానుంది.

Read This Story Also: రాయలసీమ ఎత్తిపోతల పథకం.. ఏపీతో ఏకీభవించిన కేంద్రం