Ram Charan: చెర్రీ నెక్ట్స్ మూవీ.. లైన్‌లోకి స్టార్ దర్శకుడు.. ఈసారైనా కుదురుతుందా!

ప్రస్తుతం దర్శకధీరుడు రాజమౌళి తెరకెక్కిస్తోన్న ‘ఆర్ఆర్ఆర్‌’లో నటిస్తున్నారు రామ్ చరణ్, ఎన్టీఆర్. ఈ మూవీ వచ్చే ఏడాది ప్రేక్షకుల ముందుకు రానున్నప్పటికీ.. షూటింగ్ ఈ ఏడాది ప్రథమార్ధంలోపు పూర్తి కానుంది. ఈ నేపథ్యంలో ఇప్పటికే తదుపరి సినిమాను ఫిక్స్ చేసుకున్నారు ఎన్టీఆర్. త్రివిక్రమ్ దర్శకత్వంలో రెండోసారి నటించేందుకు ఎన్టీఆర్ గ్రీన్ సిగ్నల్ ఇచ్చేశారు. అయితే రామ్ చరణ్ మాత్రం ఇంకా డైలమాలో ఉన్నారు. జెర్సీ ఫేమ్ గౌతమ్ తిన్ననూరి, సాహో ఫేమ్ సుజీత్ ఇప్పటికే చెర్రీకి కథలు చెప్పినట్లు తెలుస్తుండగా.. వారిద్దరి కథలు ఈ హీరోకు నచ్చినట్లు సమాచారం. ఇదిలా ఉంటే తాజాగా మరో స్టార్ దర్శకుడు లైన్‌లోకి వచ్చారు. ప్రస్తుతం చిరంజీవితో ఆచార్య సినిమాను తెరకెక్కిస్తోన్న కొరటాల శివ, రామ్ చరణ్‌తో తదుపరి చిత్రాన్ని చేయబోతున్నట్లు తెలుస్తోంది. దీనికి సంబంధించి త్వరలోనే అధికారిక ప్రకటన రానున్నట్లు టాక్.

కాగా ‘మిర్చి’ సినిమాతో దర్శకుడిగా ఎంట్రీ ఇచ్చిన కొరటాల శివ.. ఆ తరువాతి సినిమానే చెర్రీతో ప్రకటించారు. దీనికి సంబంధించిన పూజా కార్యక్రమాలు కూడా అప్పట్లో పూర్తి అయ్యాయి. అయితే కొన్ని కారణాల వలన ఈ ప్రాజెక్ట్ ఆగిపోయింది. ఇక ‘రంగస్థలం’ సినిమా షూటింగ్ సమయంలో మరోసారి కొరటాలతో సినిమాను అధికారికంగా ప్రకటించారు రామ్ చరణ్. కానీ ఈ క్రేజీ కాంబోకు మరోసారి బ్రేక్ పడగా.. అది కాస్త మెగాస్టార్ చిరంజీవికి వెళ్లింది. పోని మెగాస్టార్ సినిమాలోనైనా ఒక కీలక పాత్రలో చెర్రీ నటించాలనుకున్నప్పటికీ.. కొన్ని కారణాల వలన అది కూడా అవ్వలేకపోయింది. ఈ క్రమంలో కొరటాల దర్శకత్వంలో నటించాలనుకున్న చెర్రీ ఆశ అలానే ఉండిపోయింది. మరోవైపు చెర్రీతో ఎలాగైనా సినిమా చేయాలని కొరటాల కూడా భావిస్తున్నారు. ఈ నేపథ్యంలో చిరు మూవీ తరువాత చెర్రీని డైరక్ట్ చేసేందుకు సిద్ధమైపోతున్నారు. ఇక ఆర్ఆర్ఆర్ విజయంపై ఏ మాత్రం డోకా లేని చెర్రీ.. ఆ విజయాన్ని అలానే కంటిన్యూ చేయాలంటే కచ్చితంగా హిట్ దర్శకుడు కావాలని భావించి ఆ అవకాశం కొరటాలకే ఇచ్చినట్లు తెలుస్తోంది. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.

Read This Story Also: మెగాస్టార్ చేయలేనిది.. పవర్ స్టార్ చేస్తున్నాడు!