అందరితో కలిసిపోయే అమ్మాయే ప్రభాస్ కు భార్య : కృష్ణంరాజు శ్రీమతి శ్యామలాదేవి
ప్రస్తుతం ప్రేక్షకులు ప్రభాస్ నుంచి సినిమా కంటే ఆయన పెళ్లి వార్తనే ఎక్కువ వినాలనుకుంటున్నట్టున్నారు. అందుకే ప్రభాస్ కానీ ఆయన కుటుంబ సభ్యులు కానీ కనిపిస్తే మొదట అడిగే ప్రశ్న పెళ్లెప్పుడు అని. ‘మహిళా దినోత్సవం’ సందర్భాన్ని పురస్కరించుకుని, కృష్ణంరాజు శ్రీమతి శ్యామలాదేవి తాజా ఇంటర్వ్యూలో మాట్లాడారు. ఈ సమయంలోనే ప్రభాస్ పెళ్లికి సంబంధించిన ప్రస్తావన రావడంతో ఆమె స్పందించారు. “ప్రభాస్ పెళ్లికి సంబంధించి ఇంతవరకూ వచ్చిన వార్తల్లో ఎంతమాత్రం నిజం లేదు. ప్రభాస్ పెళ్లికి సంబంధించి […]
ప్రస్తుతం ప్రేక్షకులు ప్రభాస్ నుంచి సినిమా కంటే ఆయన పెళ్లి వార్తనే ఎక్కువ వినాలనుకుంటున్నట్టున్నారు. అందుకే ప్రభాస్ కానీ ఆయన కుటుంబ సభ్యులు కానీ కనిపిస్తే మొదట అడిగే ప్రశ్న పెళ్లెప్పుడు అని. ‘మహిళా దినోత్సవం’ సందర్భాన్ని పురస్కరించుకుని, కృష్ణంరాజు శ్రీమతి శ్యామలాదేవి తాజా ఇంటర్వ్యూలో మాట్లాడారు. ఈ సమయంలోనే ప్రభాస్ పెళ్లికి సంబంధించిన ప్రస్తావన రావడంతో ఆమె స్పందించారు. “ప్రభాస్ పెళ్లికి సంబంధించి ఇంతవరకూ వచ్చిన వార్తల్లో ఎంతమాత్రం నిజం లేదు. ప్రభాస్ పెళ్లికి సంబంధించి వస్తోన్న పుకార్లను మేము సరదాగా తీసుకుంటామేగానీ .. పెద్దగా పట్టించుకోము. ప్రస్తుతం ప్రభాస్ రెండు సినిమాలు చేస్తున్నాడు. ఈ రెండు సినిమాలను పూర్తిచేయగానే పెళ్లి చేసుకుంటానని చెప్పాడు. మాది చాలా పెద్ద కుటుంబం .. అందరం కలిసిపోయి ఎంతో ఆప్యాయంగా ఉంటాము. అలా మా అందరిలో కలిసిపోయే అమ్మాయే ప్రభాస్ కి భార్యగా రావాలని మేమంతా కోరుకుంటున్నాము. అలాంటి అమ్మాయే వస్తుందని మేమంతా ఆశిస్తున్నాము” అంటూ చెప్పుకొచ్చారు.