‘ రాజుగారి గది-3 ‘ లో అవికా.. ఎన్నాళ్లకు మళ్ళీ ?

ఓంకార్ దర్శకత్వంలో తెరకెక్కుతున్న హారర్-కామెడీ చిత్రం ‘ రాజుగారి గది-3 ‘ కి సంబంధించి లేటెస్ట్ న్యూస్ ! ఈ సినిమాలో…. ఈ మధ్య టాలీవుడ్ కి దూరమైన బ్యూటీ..అవికా గోర్ మళ్ళీ తెరంగేట్రం చేస్తుందట. ‘ ఉయ్యాలా..జంపాలా.. ‘, ‘ సినిమా చూపిస్త మామ ‘ మూవీల తరువాత.. చివరిసారిగా ‘ ఎక్కడికి పోతావు చిన్నవాడా ‘ చిత్రంలో నటించిన ఈ అమ్మడు.. న్యూయార్క్ ఫిల్మ్ ట్రెయినింగ్ కోసమని తెలుగు చిత్రాలకు దూరమయింది. టీవీ సీరియల్ ‘ చిన్నారి పెళ్లి కూతురు ‘ ఫేమ్ కూడా అయిన అవికా.. మళ్ళీ టాలీవుడ్ పై దృష్టి పెట్టినట్టు సమాచారం. నిజానికి రాజుగారి గది-3 మూవీలో మొదట తమన్నా భాటియాను లీడ్ రోల్ కోసం సెలక్ట్ చేశారని, అయితే చివరి నిముషంలో స్క్రిప్ట్ లో మార్పులు చేయడంతో ఆమె ఈ ప్రాజెక్టు నుంచి తప్పుకుందని తెలిసింది. ఆ తరువాత ‘ చందమామ ‘ కాజల్ అగర్వాల్ కోసం మేకర్స్ ప్లాన్ చేసినా రెమ్యునరేషన్ విషయంలో ‘ తేడాలొచ్చి ‘ ఆమె కూడా దీనికి దూరమైందట. చివరకు అవికా గోర్ ని మేకర్స్ అప్రోచ్ కాగానే.. ఇప్పటివరకు హారర్ మూవీలకు దూరంగా ఉన్న ఆమె వెంటనే ఓకె చెప్పినట్టు టాలీవుడ్ టాక్..