Allari Naresh: అతడు ఒక కంప్లీట్ యాక్టర్.. డైలాగ్స్, ఫైట్స్ అన్నీ అద్భుతంగా చేస్తాడు.. అల్లరి నరేష్.
ప్రముఖ నటుడు అల్లరి నరేష్ ఇటీవల ఒక ఇంటర్వ్యూలో తన వృత్తిపరమైన, వ్యక్తిగత జీవితానికి సంబంధించిన అనేక ఆసక్తికర విషయాలను పంచుకున్నారు. అలాగే తన సినీ ప్రయాణంలో హృదయాల్లో నిలిచిపోయిన చిత్రాల గురించి చెప్పుకొచ్చారు. ఈ క్రమంలోనే టాలీవుడ్ హీరో గురించి నరేష్ చేసిన కామెంట్స్ ఇప్పుడు సోషల్ మీడియాలో తెగ వైరలవుతున్నాయి.
టాలీవుడ్ నటుడు అల్లరి నరేష్, తన కెరీర్, వ్యక్తిగత అభిరుచుల గురించి ఒక ఇంటర్వ్యూలో ఆసక్తికర విషయాలు పంచుకున్నారు. జూనియర్ ఎన్టీఆర్ను కంప్లీట్ యాక్టర్గా అభివర్ణించడం చర్చనీయాంశంగా మారింది. నరేష్ తన వృత్తిపరమైన ప్రయాణం, ఎదురైన సవాళ్లు, వ్యక్తిగత ఇష్టాయిష్టాలతో పాటు EVV సినిమా బ్యానర్ను పునరుద్ధరించాలనే తన ఆకాంక్షను కూడా వెల్లడించారు. పెద్ద బడ్జెట్ చిత్రాలతో పాటు తన సినిమాలు విడుదల చేయడం గురించి అడిగినప్పుడు, నరేష్ ఒక ఆసక్తికరమైన విషయాన్ని పంచుకున్నారు. సమ్మర్, సంక్రాంతి వంటి పండుగల సమయాలలో ఎక్కువ మంది ప్రేక్షకులు థియేటర్లకు వస్తారని, అందుకే ఆ సమయంలో పెద్ద, చిన్న సినిమాలు రెండూ విడుదల అవుతాయని వివరించారు. పెద్ద సినిమాల విడుదల సమయంలో తన చిత్రాలు కూడా హిట్ అయ్యాయని గుర్తుచేసుకున్నారు. ముందుగా డేట్ ఫిక్స్ చేసుకున్న తర్వాత ఇతర సినిమాలు వస్తే అది యాదృచ్ఛికమే తప్ప ఉద్దేశపూర్వకం కాదని ఆయన తెలిపారు.
ఎక్కువమంది చదివినవి : Cinema : ఆద్యంతం సస్పెన్స్.. దుమ్మురేపుతున్న కోర్ట్ డ్రామా.. 7 సంవత్సరాలుగా ఓటీటీలో ట్రెండింగ్..
రాపిడ్ ఫైర్ సెషన్లో నరేష్ తన వ్యక్తిగత అభిరుచులను పంచుకున్నారు. తన తండ్రి, దివంగత దర్శకుడు EVV సత్యనారాయణ చిత్రాలలో “హలో బ్రదర్” తనకి అత్యంత ఇష్టమైన సినిమా అని చెప్పారు. అయితే, “ఆరుగురు పతివ్రతలు” సినిమా మాత్రం తనకు అస్సలు నచ్చలేదని, కథ చెప్పినప్పటి నుంచే దాని పట్ల ఆసక్తి లేదని వివరించారు. తాను నటుడిగా మారకముందు నాగార్జున తనకు అభిమాన నటుడని, ఇప్పటికీ ఆయనే తన ఆల్-టైమ్ ఫేవరెట్ అని, ఆయనతో మాట్లాడలేక కేవలం చూస్తూ ఉండిపోతానని చెప్పారు. శ్రీదేవి తన అభిమాన నటి అని, ప్రస్తుత నటీమణులలో సాయి పల్లవి నటనను “ఫిదా” చిత్రంలో చూసి ఎంతో ప్రశంసించారని తెలిపారు.
ఎక్కువమంది చదివినవి : Bigg Boss 10 Telugu : లక్షలు ఇస్తామన్నా వద్దన్నారు.. బిగ్ బాస్ 10 ఆఫర్ రిజెక్ట్ చేసిన సెలబ్రిటీస్ వీళ్లే..
ఈ ఇంటర్వ్యూలో అల్లరి నరేష్ జూనియర్ ఎన్టీఆర్ పట్ల చూపిన అభిమానం ప్రధానాంశం. సమకాలీన నటులలో ఎన్టీఆర్ను కంప్లీట్ యాక్టర్ అని అన్నారు.. “డైలాగులు, డ్యాన్స్, ఫైట్స్ ఏది ఇచ్చినా ఎన్టీఆర్ అద్భుతంగా చేస్తారు. అతను ఒక ఆల్ రౌండర్” అని ప్రశంసించారు. దర్శకుడు మణిరత్నం దర్శకత్వంలో ఒక్క సినిమా అయినా చేయాలనేది తన చిరకాల కోరిక అని నరేష్ వెల్లడించారు. “గీతాంజలి” సినిమా చూసినప్పటి నుంచి తాను మణిరత్నం అభిమానినని, ఆయనతో పని చేయాలని కోరుకుంటున్నానని చెప్పారు. తన సొంత సినిమాలలో “నేను” తనకు ఇష్టమైనది కాగా, “పెళ్లయింది కానీ” సినిమా తనకు అంతగా నచ్చలేదని తెలిపారు.
ఎక్కువమంది చదివినవి : Arjun Sarja : ఆ హీరోయిన్ను చాలా మిస్సవుతున్నా.. ఆమె దూరమయ్యాకే అర్థం చేసుకున్న.. అర్జున్ సర్జా..
ఎక్కువమంది చదివినవి : Actor: ఒకప్పుడు కెమిస్ట్గా, వాచ్మన్గా పనిచేసి.. ఇప్పుడు తోపు నటుడు.. 200 కోట్లకు అధిపతి..