శరవేగంగా ‘ఆర్ఆర్ఆర్’ షూటింగ్ .. మేజర్ షెడ్యూల్ ను పూర్తి చేసిన జక్కన 

దర్శక ధీరుడు రాజమౌళి ప్రతిష్టాత్మకంగా తెరకెక్కిస్తున్న ‘ఆర్ఆర్ఆర్’ సినిమా షూటింగ్ శరవేగంగా జరుగుతుంది.  యంగ్ టైగర్ ఎన్టీఆర్ , మెగా పవర్ స్టార్ రామ్ చరణ్ కలిసి నటిస్తున్న ఈ సినిమా పై అభిమానుల్లో భారీ అంచనాలు ఉన్నాయి. ఇక ఈ సినిమాలో మన్యం వీరుడు అల్లూరి సీతారామరాజు గా రాంచరణ్, గిరిజన వీరుడు కొమరం భీమ్ గా ఎన్టీఆర్ నటిస్తున్నారు. ఇప్పటికే ఈ సినిమా నుంచి ఇద్దరు వీరుల టీజర్స్ ను విడుదల చేశారు జక్కన్న. ఈ టీజర్లు సినిమా పై అంచనాలను ఆకాశానికి చేర్చాయి.

కరోనా మహమ్మారి కారణంగా వాయిదా పడిన ఈ సినిమా షూటింగ్ ఇటీవలే తిరిగి ప్రారంభం అయ్యింది. తాజాగా 50 రోజుల భారీ యాక్షన్ షెడ్యూల్ ను పూర్తి చేసుకుంది ఆర్ఆర్ఆర్. ఈ భారీ షెడ్యూల్ ను రాత్రివేళలో షూట్ చేశారు. త్వరలోనే మరో షెడ్యూల్ ను ప్రారంభించడానికి సన్నాహాలు చేస్తున్నారు చిత్రయూనిట్. ఈ సినిమాలో బాలీవుడ్ నటులు అలియా భట్ , అజయ్ దేవగన్ తో పాటు తమిళ నటుడు సముద్రఖని కీలక పాత్రలో కనిపించనున్నారు. వీరితో పాటు హాలీవుడ్ నటులు రే స్టీవెన్ సన్‌, అలిసన్ డూడి కూడా ‘ఆర్ఆర్ఆర్’లో నటిస్తున్నారు.