Woman Murdered: శంషాబాద్‌ విమానాశ్రయం సమీపంలో మహిళ దారుణ హత్య.. పూర్తిగా కాలిపోయిన స్థితిలో ఉన్న మృతదేహం
Woman Murdered: శంషాబాద్‌ ఎయిర్‌పోర్టులోని ఎన్‌ఎండీసీ సర్కిల్‌ సమీపంలో ఓ మహిళ దారుణ హత్యకు గురైంది. గుర్తు తెలియని మృతదేహాన్ని గుర్తించిన స్థానికులు...
Woman Murdered: శంషాబాద్‌ ఎయిర్‌పోర్టులోని ఎన్‌ఎండీసీ సర్కిల్‌ సమీపంలో ఓ మహిళ దారుణ హత్యకు గురైంది. గుర్తు తెలియని మృతదేహాన్ని గుర్తించిన స్థానికులు విమానాశ్రయ పోలీసులకు సమాచారం అందించారు. వెంటనే ఘటన స్థలానికి చేరుకున్న పోలీసులు పూర్తిగా కాలిపోయిన స్థితిలో ఉన్న మహిళ మృతదేహాన్ని గుర్తించారు.
ఆమె వయసు 35-40 ఏళ్ల మధ్య ఉంటుందని పోలీసులు భావిస్తున్నారు. మహిళను నిన్నరాత్రి హత్య చేసి మృతదేహాన్ని తగలబెట్టి ఉండవచ్చని అనుమానిస్తున్నారు. అయితే పోలీసులు సమీపంలోని సీసీ కెమెరాలను పరిశీలిస్తున్నారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించి కేసు నమోదు చేసుకుని దర్యాప్తు చేపడుతున్నారు.