TG TET January 2027 దరఖాస్తులు ప్రారంభం.. జనవరి 3 నుంచి ఆన్‌లైన్‌ పరీక్షలు

తెలంగాణ టెట్‌ (TG TET) జనవరి 2027 సెషన్‌కు ఆన్‌లైన్ దరఖాస్తులు ప్రారంభమయ్యాయి. నవంబర్ 16 నుంచి అభ్యర్థులు దరఖాస్తు చేసుకోవచ్చు. జనవరి 3 నుంచి 15 వరకు కంప్యూటర్‌ ఆధారిత పరీక్ష (CBT) నిర్వహించనున్నారు. డీఎడ్‌, డీఎల్ఈడీ, బీఎడ్‌, లాంగ్వేజ్‌ పండిట్‌ అర్హతలు కలిగినవారితో పాటు, నిబంధనల ప్రకారం చివరి సంవత్సరం చదువుతున్న విద్యార్థులకు కూడా దరఖాస్తు చేసుకునే అవకాశం ఉంది..

TG TET January 2027 దరఖాస్తులు ప్రారంభం.. జనవరి 3 నుంచి ఆన్‌లైన్‌ పరీక్షలు
TG TET January 2027 Online Application

Updated on: Nov 17, 2026 | 7:40 AM

హైదరాబాద్‌, నవంబర్ 17: తెలంగాణలో ఉపాధ్యాయ ఉద్యోగాల కోసం ఎదురుచూస్తున్న అభ్యర్థులకు కీలక అప్డేట్. తెలంగాణ టీచర్ ఎలిజిబిలిటీ టెస్ట్ (TG TET) జనవరి 2027 సెషన్‌కు సంబంధించిన ఆన్‌లైన్ దరఖాస్తుల ప్రక్రియ ప్రారంభమైంది. నవంబరు 16 నుంచి అభ్యర్థులు ఆన్‌లైన్‌లో దరఖాస్తు చేసుకోవచ్చు. ఈ మేరకు తెలంగాణ పాఠశాల విద్యాశాఖ నవంబరు 13న ప్రకటన విడుదల చేసింది. రాష్ట్రంలో ఉపాధ్యాయ అర్హత పరీక్షను జనవరి 3 నుంచి 15 వరకు కంప్యూటర్ ఆధారిత పరీక్ష (CBT) విధానంలో నిర్వహించనున్నారు. డీఎడ్, డీఎల్‌ఈడీ, బీఎడ్, లాంగ్వేజ్ పండిట్ లేదా తత్సమాన విద్యార్హతలు కలిగిన అభ్యర్థులు ఈ పరీక్షకు దరఖాస్తు చేసుకోవచ్చు.

ఎవరు దరఖాస్తు చేసుకోవచ్చు?

డీఎడ్, డీఎల్‌ఈడీ, బీఎడ్, లాంగ్వేజ్ పండిట్ లేదా తత్సమాన ఉపాధ్యాయ శిక్షణ కోర్సులు పూర్తిచేసిన అభ్యర్థులు దరఖాస్తు చేసుకోవడానికి అర్హులు. అలాగే ఆయా కోర్సుల చివరి సంవత్సరం చదువుతున్న విద్యార్థులు కూడా నోటిఫికేషన్‌లో పేర్కొన్న నిబంధనలకు అనుగుణంగా దరఖాస్తు చేసుకోవచ్చు. తెలంగాణ టెట్ జనవరి 2027 సెషన్ పరీక్షలను జనవరి 3 నుంచి 15 వరకు నిర్వహించనున్నారు. పరీక్షలు కంప్యూటర్ ఆధారిత విధానంలో (CBT) జరుగుతాయి. అర్హులైన అభ్యర్థులు తెలంగాణ పాఠశాల విద్యాశాఖ అధికారిక TG TET వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి. దరఖాస్తు సమయంలో విద్యార్హతలు, వ్యక్తిగత వివరాలు సరిగ్గా నమోదు చేయాలి. అవసరమైన ధ్రువపత్రాలను సిద్ధంగా ఉంచుకోవాలి.

ముఖ్యమైన తేదీలు

  • దరఖాస్తుల ప్రారంభ తేదీ: నవంబరు 16, 2026.
  • పరీక్ష నిర్వహణ తేదీలు: జనవరి 3 నుంచి 15, 2027.
  • పరీక్ష విధానం: కంప్యూటర్ ఆధారిత పరీక్ష (CBT)

టీచర్ ఉద్యోగాల కోసం సిద్ధమవుతున్న అభ్యర్థులు TG TET జనవరి 2027 సెషన్‌ను సద్వినియోగం చేసుకోవాలి. దరఖాస్తు చేసుకునే ముందు అధికారిక నోటిఫికేషన్‌లోని అర్హతలు, పరీక్షా విధానం, ఇతర మార్గదర్శకాలను పూర్తిగా చదవాలి. చివరి తేదీ, దరఖాస్తు ఫీజు తదితర వివరాలను కూడా అధికారిక వెబ్‌సైట్‌లో పరిశీలించాలి.

ఇవి కూడా చదవండి

తెలంగాణ టెట్ ఆన్‌లైన్ దరఖాస్తు కోసం ఇక్కడ క్లిక్ చేయండి.

Loading...
Unable to load recommendations.
Follow Us