విద్యార్థులకు అలర్ట్.. JEE Main 2027 రిజిస్ట్రేషన్‌కు ఇకపై ఒకే ప్లాట్‌ఫామ్! డైరెక్ట్ లింక్ ఇదే..
JEE Main 2027 సెషన్-1 పరీక్షకు దరఖాస్తు చేసుకునే విద్యార్థులకు కీలక అప్‌డేట్. రిజిస్ట్రేషన్ ప్రక్రియలో Meri Pehchaan ప్లాట్‌ఫామ్‌ను ప్రవేశపెట్టారు. ఈ పోర్టల్ ద్వారా ఎలా అప్లై చేయాలి? అధికారిక దరఖాస్తు లింక్, ముఖ్యమైన తేదీలు, పూర్తి వివరాలు ఈ కింద తెలుసుకోండి..
హైదరాబాద్‌, అక్టోబర్ 27: JEE Main 2027 పరీక్షకు సిద్ధమవుతున్న విద్యార్థులకు సంబంధించి కీలక అప్‌డేట్. జేఈఈ మెయిన్ సెషన్-1 పరీక్ష రిజిస్ట్రేషన్ ప్రక్రియలో ‘Meri Pehchaan’ ప్లాట్‌ఫామ్‌ను ప్రవేశపెట్టినట్లు సమాచారం. ఈ ప్లాట్‌ఫామ్ ద్వారా అభ్యర్థుల గుర్తింపు ధృవీకరణ, లాగిన్ ప్రక్రియను సులభతరం చేయడం లక్ష్యంగా పెట్టుకున్నారు. ఇంజినీరింగ్ కోర్సుల్లో ప్రవేశం పొందాలనుకునే విద్యార్థులు దరఖాస్తు చేసుకునే ముందు అధికారిక ప్రకటనలో పేర్కొన్న మార్గదర్శకాలను పరిశీలించాలి. కాగా JEE Main 2027 సెషన్-1కు దరఖాస్తు ప్రక్రియ అక్టోబర్ 24, 2026న ప్రారంభమైంది. అభ్యర్థులు నవంబర్ 22, 2026 వరకు ఎలాంటి ఆలస్య రుసుము లేకుండా అప్లై చేసుకోవచ్చు.
JEE Main 2027 సెషన్ 1కు ఆన్‌లైన్‌లో దరఖాస్తు చేసుకోవడానికి ఇక్కడ క్లిక్ చేయండి.
Meri Pehchaan అంటే ఏమిటి?
కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖకు చెందిన Meri Pehchaan అనేది సింగిల్ సైన్-ఆన్ (SSO) సేవ. ఒకే లాగిన్ విధానం ద్వారా అనుసంధానమైన వివిధ ఆన్‌లైన్ సేవలను యాక్సెస్ చేసుకునేందుకు ఇది ఉపయోగపడుతుంది. ఇందులో DigiLocker, JanParichay, e-Pramaan వంటి గుర్తింపు సేవలు అనుసంధానమై ఉన్నాయి.
JEE Main 2027కు ఎలా దరఖాస్తు చేయాలి?
- ముందుగా JEE Main అధికారిక వెబ్‌సైట్ ఓపెన్ చేయాలి.
- JEE Main 2027 Session 1 ఆన్‌లైన్ అప్లికేషన్ లింక్‌పై క్లిక్ చేయాలి.
- సూచించిన Meri Pehchaan లాగిన్ లేదా రిజిస్ట్రేషన్ విధానాన్ని అనుసరించాలి.
- అభ్యర్థి వ్యక్తిగత, విద్యార్హత వివరాలను నమోదు చేయాలి.
- పరీక్ష పేపర్, పరీక్ష కేంద్రాల ప్రాధాన్యతలను ఎంచుకోవాలి.
- సూచించిన ఫొటో, సంతకం తదితర అవసరమైన వివరాలు లేదా పత్రాలను సమర్పించాలి.
- దరఖాస్తు ఫీజు చెల్లించి ఫారమ్‌ను సబ్మిట్ చేయాలి.
- చివరగా కన్ఫర్మేషన్ పేజీని డౌన్‌లోడ్ చేసుకుని భద్రపరచుకోవాలి.
కాగా జేఈఈ మెయిన్ 2027 దరఖాస్తు విధానంలో నేషనల్‌ టెస్టింగ్‌ ఏజెన్సీ (ఎన్టీఏ) తీసుకువచ్చిన మేరీ పెహచాన్‌ నేషనల్‌ సింగిల్ లాగిన్ విధానం ద్వారా అభ్యర్థులు ఒకే లాగిన్‌తో జేఈఈ మెయిన్ రిజిస్ట్రేషన్ పోర్టల్లోకి ప్రవేశించవచ్చు. దీంతో ఇకపై పలు ఖాతాలకు సంబంధించిన యూజర్‌ ఐడీలు, పాస్‌వర్డ్‌లను గుర్తుంచుకోవాల్సిన అవసరం లేదు. దీనికి డిజిలాకర్‌, ఈ ప్రమాణ్‌, జన్‌ పరిచయ్‌ వంటి సేవలను సైతం అనుసంధానించారు. అభ్యర్థి పేరు, పుట్టిన తేదీ, మొబైల్‌ నంబర్‌ వంటి ప్రాథమిక వివరాలను నమోదు చేస్తే సరిపోతుంది. ఆధార్‌, పాన్‌, డ్రైవింగ్‌ లైసెన్స్‌, ఆపార్‌, ఈ కేవైసీ ధ్రువీకరణ ఆటోమెటిక్‌గా అప్లికేషన్‌లోకి చేరిపోతాయి. దీంతో మల్టీ ఫ్యాక్టర్‌ అథెంటికేషన్‌, పాస్‌వర్డ్‌ అవసరాలుండవు. మరోవైపు జేఈఈ మెయిన్ పరీక్షలను ఈసారి దేశవ్యాప్తంగా 301 పట్టణాల్లో నిర్వహించనున్నటు ఎన్టీఏ వెల్లడించింది. JEE Main పరీక్ష ద్వారా బీఈ, బీటెక్‌తో పాటు బీఆర్క్, బీప్లానింగ్ వంటి కోర్సుల్లో ప్రవేశాలకు అవకాశం ఉంటుంది. అభ్యర్థులు దరఖాస్తు చేసుకునే ముందు అధికారిక ఇన్ఫర్మేషన్ బులెటిన్‌ను పూర్తిగా చదవాలి. వ్యక్తిగత వివరాలు, విద్యార్హత సమాచారం సరిగ్గా నమోదు చేయాలి. పరీక్ష తేదీలు, ఫీజులు, అర్హత ప్రమాణాల విషయంలో NTA అధికారిక వెబ్‌సైట్‌లోని తాజా నోటిఫికేషన్‌నే అనుసరించాలి.
JEE Main 2027 ముఖ్యమైన తేదీలు
- రిజిస్ట్రేషన్ ప్రారంభ తేదీ: అక్టోబర్ 24, 2026.
- ఆలస్య రుసుము లేకుండా దరఖాస్తుకు చివరి తేదీ: నవంబర్ 22, 2026.
- ఆలస్య రుసుముతో దరఖాస్తు: నవంబర్ 23 నుంచి 26, 2026 వరకు
- అప్లికేషన్ కరెక్షన్ విండో తేదీలు: నవంబర్ 27 నుంచి 29, 2026 వరకు
JEE Main 2027 సెషన్ 1కు ఆన్‌లైన్‌లో దరఖాస్తు చేసుకోవడానికి ఇక్కడ క్లిక్ చేయండి.