JEE Main 2026 Final Preparation: జేఈఈ మెయిన్‌లో టాప్‌ ర్యాంక్‌ కొట్టాలంటే.. మీ ఫైనల్ ప్రిపరేషన్‌ ఇలా ఉండాలి!

JEE Main Final Preparation Strategy

హైదరాబాద్‌, జనవరి 17: ఎంతో ఉత్కంఠగా ఎదురు చూస్తున్న జేఈఈ మెయిన్‌ 2026 సెషన్‌ 1 పరీక్షలు ఎట్టకేలకు దగ్గరకు వచ్చేశాయ్‌. ఇప్పటికే విద్యార్ధులు పోటాపోటీగా ప్రిపరేషన్‌ సాగిస్తున్నారు. ఇక పరీక్షలకు 3 రోజులు మాత్రమే ఉన్నాయి. చివరి నిమిషంలో ఒత్తిడికి గురికాకుండా ఈ సమయంలో ఏం చదవాలి? ఒత్తిడి లేకుండా ఎలా ముందుకు సాగాలి? పరీక్షలో విజయం సాధించడానికి ఈ సమయాన్ని ఎలా సద్వినియోగం చేసుకోవాలి? అనే విషయాలు జేఈఈ టాపర్లు సూచిస్తున్నారు. అవేంటో ఇక్కడ తెలుసుకుందాం..

అధిక వెయిటేజ్ టాపిక్స్‌పై మాత్రమే దృష్టి పెట్టాలి

జేఈఈ మెయిన్ 2025లో AIR 1 అయిన సాక్షమ్ జిందాల్ జేఈఈ అడ్వాన్స్‌డ్‌లో 332 స్కోర్ సాధించాడు. ప్రస్తుతం IIT బాంబేలో BTech చదువుతున్న జిందాల్ చివరి దశ తయారీలో అభ్యర్థులు అనుసరించాల్సిన విజయ మంత్రాన్ని పంచుకున్నాడు. ప్రిపరేషన్‌ చివర్లో అధిక వెయిటేజ్ ఉన్న టాపిక్స్‌పై దృష్టి పెట్టాలని సూచిస్తున్నాడు. మ్యాథ్స్‌, కాలిక్యులస్, వెక్టర్స్ అధిక మార్కులు ఇచ్చే టాపిక్స్‌. వాటికి ఎక్కువ ప్రిపరేషన్ సమయం ఇవ్వాలి. రొటేషన్, ఫ్లూయిడ్ మెకానిక్స్, EMI, కెమిస్ట్రీలో సాల్ట్ అనాలిసిస్, కోఆర్డినేషన్ కెమిస్ట్రీ వంటివి ఫిజిక్స్‌లో ముఖ్యమైన టాపిక్స్‌. వీలైనన్ని ఎక్కువ ప్రాబ్లెమ్స్ సాల్వ్‌ చేయాలి. వీటికి సమయం కేటాయించడం బెటర్‌. బోర్డు పరీక్షలకు తన సన్నాహక వ్యూహం గురించి మాట్లాడుతూ.. నేను బోర్డు పరీక్షలకు దాదాపు 15 రోజుల ముందు నుంచే ప్రిపరేషన్‌ ప్రారంభించాను. .

అలాగే ప్రివియస్‌ ఇయర్స్‌ ప్రశ్నపత్రాలను పరిష్కరించడం చాలా ముఖ్యం. ఎందుకంటే ఇది పేపర్ నమూనాను అర్థం చేసుకోవడానికి, అలవాటు పడటానికి సహాయపడుతుంది. పరీక్ష మొదలవ్వగానే మొదటి దశలోనే అన్ని సులభమైన, మధ్యస్థ ప్రశ్నలను పరిష్కరించడానికి ప్రయత్నించాలి. చివర్లో మాత్రమే కష్టమైన ప్రశ్నలను పరిష్కరించడానికి సమయం కేటాయించాలి. పరీక్షా సమయంలో ప్రశాంతంగా ఉండటం చాలా ముఖ్యం. ఉపాధ్యాయులు, తల్లిదండ్రులతో సన్నిహితంగా ఉండటం వల్ల విద్యార్థులు ప్రశాంతంగా, ప్రేరణ కలిగి ఉండటానికి సహాయపడుతుంది. స్థిరమైన పునర్విమర్శ ముఖ్యం. చిన్న గమనికల ద్వారా అంశాలను సవరించుకుంటూ ఉండాలని అన్నాడు.

జేఈఈ మెయిన్ 2025లో AIR 1 ర్యాంకర్‌ అయిన రజిత్ గుప్తా జేఈఈ అడ్వాన్స్‌డ్‌లో 332 స్కోర్ చేసాడు. పరీక్షకు సిద్ధం కావడానికి అతని వ్యూహం గురించి చెబుతూ.. straight and simple అని చెప్పాడు. నేను నా ఉపాధ్యాయుల సూచనలను స్పష్టంగా పాటించాను. ఏడాది పొడవునా ప్రవేశ పరీక్షలకు సిద్ధమయ్యాను. మార్గదర్శకత్వం కోసం నేను అల్లెన్ కోచింగ్ ఇన్‌స్టిట్యూట్‌లో కూడా చేరాను. బోర్డు పరీక్షల సమయంలో నేను నా జేఈఈ ప్రిపరేషన్‌ను నిలిపివేసి బోర్డు పరీక్షలపై మాత్రమే దృష్టి పెట్టాను. ప్రిపరేషన్ చివరి దశలో నేను NCERTని పూర్తిగా రివిజన్‌ చేశాను. పాత ప్రశ్న పత్రాలను సాల్వ్ చేశాను.

జేఈఈ మెయిన్‌ 2026 మొదటి సెషన్‌ పరీక్షల తేదీలివే

కాగా జేఈఈ మెయిన్ 2026 తొలి విడత పరీక్షలు BE/BTech కోర్సుల్లో ప్రవేశాలకు నిర్వహించే పేపర్ 1 పరీక్ష జనవరి 21, 22, 23, 24, 28 తేదీల్లో జరుగుతుంది. BArch, B ప్లానింగ్‌లలో ప్రవేశాలు కల్పించే పేపర్ 2B (BPlanning), పేపర్ 2A పరీక్ష జనవరి 29న జరుగుతుంది. పరీక్షల అనంతరం జేఈఈ మెయిన్ మొదటి సెషన్ ఫలితాలు ఫిబ్రవరి 12, 2026 నాటికి ప్రకటిస్తారు. ఇక జేఈఈ మెయిన్ సెషన్ 2 ఏప్రిల్ 1 నుంచి 10 వరకు జరగనుంది. సెషన్ 2 ఫలితాలు ఏప్రిల్ 20 నాటికి వెలువరిస్తారు. జేఈఈ మెయిన్ సెషన్ 2 కోసం రిజిస్ట్రేషన్లు ఏప్రిల్ 2 నుంచి 9 వరకు జరుగుతాయి.

మరిన్ని విద్యా, ఉద్యోగ కథనాల కోసం క్లిక్‌ చేయండి.