WhatsApp Tricks: వాట్సాప్ సీక్రెట్ ట్రిక్! యాప్ తెరవకుండానే చాట్ చేయవచ్చు, ఎలాగో తెలుసా?
ప్రపంచవ్యాప్తంగా కోట్ల మంది ఉపయోగిస్తున్న ఇన్స్టంట్ మెసేజింగ్ యాప్ వాట్సాప్.. నిత్యం కొత్త ఫీచర్లతో యూజర్లను ఆకట్టుకుంటోంది. అయితే, చాలామందికి తెలియని ఒక అద్భుతమైన ట్రిక్ ఇప్పుడు వెలుగులోకి వచ్చింది. మనకు అత్యంత సన్నిహితులు లేదా రోజూ ఎక్కువగా చాట్ చేసే వ్యక్తుల కోసం ప్రతిసారీ వాట్సాప్ యాప్ ఓపెన్ చేసి, వారి పేరు వెతకాల్సిన అవసరం లేదు! నేరుగా మీ మొబైల్ హోమ్ స్క్రీన్ నుండే వారితో చాటింగ్ ప్రారంభించవచ్చు.
భారతదేశంలో 550 మిలియన్ల మంది యాక్టివ్ యూజర్లు ఉన్న వాట్సాప్లో.. మెటా సంస్థ సరికొత్త మార్పులు చేస్తోంది. ఇందులో భాగంగా ఆండ్రాయిడ్ ప్లాట్ఫామ్ పై ఉన్న యూజర్ల కోసం ‘యాడ్ చాట్ షార్ట్కట్’ అనే ఫీచర్ అందుబాటులోకి వచ్చింది. ఇది మీ సమయాన్ని ఆదా చేయడమే కాకుండా, అత్యవసర సమయాల్లో వేగంగా మెసేజ్ చేయడానికి లేదా కాల్ చేయడానికి ఉపయోగపడుతుంది. యాప్ తెరవకుండానే మీ ప్రియమైనవారితో కనెక్ట్ అయ్యే ఆ రహస్య ట్రిక్ ఏంటో తెలుసుకుందాం..
1. ఎవరి కోసం ఈ ఫీచర్?
ప్రస్తుతానికి ఈ సీక్రెట్ ఫీచర్ Android (ఆండ్రాయిడ్) వినియోగదారులకు మాత్రమే అందుబాటులో ఉంది. మీరు ఎవరితోనైతే తరచుగా మాట్లాడుతుంటారో (ఉదాహరణకు అమ్మ, నాన్న లేదా బెస్ట్ ఫ్రెండ్), వారి చాట్ విండోను మీ ఫోన్ హోమ్ స్క్రీన్ పై ఒక యాప్ ఐకాన్ లాగా మార్చుకోవచ్చు.
2. షార్ట్కట్ ఎలా క్రియేట్ చేయాలి?
ముందుగా మీ ఫోన్లో WhatsApp యాప్ తెరవండి.
మీరు ఎవరి కాంటాక్ట్ అయితే హోమ్ స్క్రీన్ పై కావాలనుకుంటున్నారో, ఆ చాట్ను గట్టిగా నొక్కి (Long Press) ఉంచండి.
ఇప్పుడు కుడి వైపు పైన మూలలో ఉన్న మూడు చుక్కల (Three Dots) మెనూపై క్లిక్ చేయండి.
అక్కడ మీకు కనిపిస్తున్న ‘Add Chat Shortcut’ (యాడ్ చాట్ షార్ట్కట్) ఆప్షన్ను ఎంచుకోండి.
స్క్రీన్ పై కనిపించే ‘Add Automatically’ లేదా ‘OK’ బటన్ నొక్కి కన్ఫర్మ్ చేయండి.
3. దీని వల్ల ప్రయోజనం ఏంటి?
ఇప్పుడు మీ ఫోన్ హోమ్ స్క్రీన్పై ఆ వ్యక్తి ఫోటోతో కూడిన ఒక ఐకాన్ కనిపిస్తుంది. ఇకపై మీరు వారితో మాట్లాడాలనుకున్నప్పుడు, వాట్సాప్ యాప్ ఓపెన్ చేయకుండానే నేరుగా ఆ ఐకాన్ మీద క్లిక్ చేస్తే వారి చాట్ బాక్స్ ఓపెన్ అవుతుంది. దీనివల్ల వందల కొద్దీ కాంటాక్టుల మధ్య వెతుక్కునే పని తప్పుతుంది.