Swiggy New App Toing : స్టూడెంట్స్ కోసం.. స్విగ్గీ కొత్త డెలివరీ యాప్ ‘టోయింగ్’!
ఫుడ్ డెలివరీ యాప్ స్విగ్గీ మరో కొత్త డెలివరీ యాప్ ను లాంఛ్ చేసింది. అదే ‘టోయింగ్’. స్టూడెంట్స్ కోసం ప్రత్యేకంగా రూపొందించిన ఈ యాప్ లో కేవలం తక్కువ ధరకు లభించే ఫుడ్ ఐటెమ్స్ మాత్రమే ఉంటాయి. ఇంకా ఈ యాప్ ప్రత్యేకతలేంటంటే.
స్టూడెంట్స్ ఇంకా యూత్ ను దృష్టిలో ఉంచుకుని స్విగ్గీ.. ఈ కొత్త యాప్ ను లాంఛ్ చేసినట్టు తెలుస్తోంది. ఇందులో ఫుడ్ ఐటెమ్స్ ధరలు కేవలం రూ. 100 నుంచి రూ.150 లోపు మాత్రమే ఉంటాయి.
తక్కువ ధరలో త్వరగా ఫుడ్ డెలివరీ చేయడం కోసం ప్రత్యేకంగా ఈ యాప్ ను రూపొందించినట్టు తెలుస్తుంది. ఇందులో సర్జ్ ఛార్జీలు కూడా ఉండవు. చిన్న చిన్న ఐటెమ్స్ వేగంగా డెలివరీ చేయడమే ఈ యాప్ లక్ష్యం అని స్విగ్గీ చెప్తోంది.
స్టూడెంట్స్ కోసం..
సిటీలో చదువుకునే విద్యార్థులు, తక్కువ ఆదాయం సంపాదించే యువత తక్కువ ధరల్లో దొరికే ఫుడ్ ఐటెమ్స్ ఆర్డర్ చేసుకోవడానికి ఎక్కువగా ఇంట్రెస్ట్ చూపుతారని.. వారికోసమే ప్రత్యేకంగా ఈ యాప్ రూపొందించినట్టు స్విగ్గీ పేర్కొంది. స్విగ్గీ యాప్ లో ఉండే రూ.99 స్టోర్ కంటే ఎక్కువ ఆప్షన్లు ఈ టోయింగ్ యాప్ లో ఉంటాయి.
ఛార్జీలు తక్కువ
ఈ యాప్లో మినీ మీల్స్, బర్గర్లు, శాండ్విచ్లు, కేక్స్, డిజర్ట్ వంటి పలు ఫుడ్ ఐటెమ్స్ ఉంటాయి. స్విగ్గీ యాప్తో పోలిస్తే ఇందులో ప్లాట్ఫామ్ ఫీజు కూడా కొంత తగ్గుతుంది. అలాగే ఇందులో రూ. 99 లోపు లభించే ఫ్లాష్ డీల్స్ కూడా అందుబాటులో ఉంటాయి.
ఈ కొత్త యాప్ పింక్, గ్రీన్ కలర్ థీమ్లో ఉంది. టోయింగ్ ప్రస్తుతం పూణేతో పాటు కొన్ని సెలక్టెడ్ ఏరియాల్లో అందుబాటు లోఉంది. త్వరలోనే అన్ని సిటీల్లో అందుబాటులోకి వస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..