Personal Finance: నెలకు కేవలం రూ.2,000 ఆదా చేస్తే చాలు… చేతికి రూ.30 లక్షలు..!

Personal finance

Personal Finance: ఇటీవలి కాలంలో తక్కువ మొత్తంతో భవిష్యత్తు కోసం పెద్ద సంపదను నిర్మించుకోవడానికి SIP, PPF పెట్టుబడులకు విపరీతమైన డిమాండ్ ఏర్పడింది. ప్రతి నెలా కేవలం రూ.2,000 పెట్టుబడి పెట్టినా కూడా 30 ఏళ్లలో లక్షల రూపాయల సంపదను నిర్మించుకోవచ్చనే లెక్క ఇప్పుడు పెట్టుబడిదారుల దృష్టిని ఆకర్షిస్తోంది. ఆర్థిక నిపుణుల అభిప్రాయం ప్రకారం.. దీర్ఘకాలిక పెట్టుబడికి SIP (సిస్టమాటిక్ ఇన్వెస్ట్‌మెంట్ ప్లాన్), PPF (పబ్లిక్ ప్రావిడెంట్ ఫండ్) రెండూ మంచి ఎంపికలే. కానీ ఈ రెండింటి ప్రయోజనాలు, నష్టాలు, రాబడులలో పెద్ద తేడా ఉంది. సిప్‌ అనేది మార్కెట్ ఆధారిత పెట్టుబడి. అందుకే అధిక లాభాలు వచ్చే అవకాశం ఉంది. పీపీఎఫ్‌ అనేది ప్రభుత్వ భద్రతా పథకం. అందుకే ఇది స్థిరమైన, సురక్షితమైన రాబడులను అందిస్తుంది.

లెక్కల ప్రకారం.. ఆర్థిక నిపుణులు చెప్పేదేమిటంటే ప్రతి నెలా రూ.2,000ను 30 సంవత్సరాల పాటు సిప్‌లో పెట్టుబడి పెట్టి, సగటున 12% వార్షిక రాబడి పొందితే సుమారు రూ.70 లక్షల సంపదను కూడబెట్టుకోవచ్చు. ఇందులో పెట్టుబడి మొత్తం కేవలం రూ.7.2 లక్షలు మాత్రమే కాగా, మిగిలినది వడ్డీ, మార్కెట్ లాభాల నుండి వస్తుంది.

ఇది కూడా చదవండి: Bank Holidays: వినియోగదారులకు అలర్ట్‌.. జూన్‌లో ఎన్ని రోజులు బ్యాంకులు మూసి ఉంటాయో తెలుసా..?

మరోవైపు మీరు ప్రతి నెలా అదే రూ.2,000 మొత్తాన్ని 30 సంవత్సరాల పాటు పీపీఎఫ్‌ పథకంలో పెట్టుబడి పెడితే ప్రస్తుత వడ్డీ రేటు ఆధారంగా మీరు సుమారు రూ.25 నుండి రూ.30 లక్షల నిధిని పొందవచ్చు. పీపీఎఫ్‌లో వడ్డీ రేటును ప్రభుత్వం నిర్ణయిస్తుంది. అందుకే ఇందులో రిస్క్ తక్కువగా ఉంటుంది. అదనంగా పన్ను మినహాయింపు సౌకర్యం కూడా అందుబాటులో ఉంది. పెట్టుబడిదారులు దీర్ఘకాలంలో మరింత సంపదను పెంచుకోవడానికి సిప్‌ని ఎంచుకోవచ్చు. సురక్షితమైన పెట్టుబడిని కోరుకునేవారు పీపీఎఫ్‌ని ఎంచుకోవచ్చు. కొందరు రెండింటిలోనూ పెట్టుబడి పెట్టడం ద్వారా రిస్క్, రాబడి మధ్య సమతుల్యతను పాటిస్తున్నారు.

భారతదేశంలో మ్యూచువల్ ఫండ్‌లు, చిన్న పొదుపు పథకాలపై అవగాహన పెరగడంతో మధ్యతరగతి కుటుంబాలకు సిప్‌, పీపీఎఫ్‌ రెండూ ప్రముఖ పెట్టుబడి ఎంపికలుగా నిలుస్తున్నాయి. మీరు చిన్న వయస్సులోనే పొదుపు, పెట్టుబడి పెట్టే అలవాటును అలవర్చుకుంటే మీ భవిష్యత్తు రోజులు సంతోషంగా ఉంటాయి.

(గమనిక: ఇందులోని అంశాలు కేవలం అవగాహన కోసం మాత్రమే. ఎలాంటి పెట్టుబడి పెట్టే ముందు లేదా ఏదైనా ఆర్థికపరమైన రిస్క్ తీసుకునే ముందు మీ ఆర్థిక సలహాదారుని సంప్రదించాలని సూచిస్తున్నాము.)

ఇది కూడా చదవండి: LPG Gas Tips: వంట గ్యాస్‌ను ఆదా చేసే రహస్యం మీకు తెలుసా? ఇలా చేస్తే 30 రోజులకు సరిపోయే సిలిండర్‌ను 45 రోజుల పాటు వాడుకోండి..!

ఇది కూడా చదవండి: Indian Railways: రైలులో ప్రయాణించే ముందు ఈ పొరపాటు అస్సలు చేయకండి.. లేకపోతే మీరు జైలుపాలే..!

మరిన్ని బిజినెస్ వార్తల కోసం ఇక్కడ క్లిక్ చేయండి