Petrol Price: వాహనదారులకు గుడ్‌న్యూస్‌.. తగ్గిన పెట్రోల్‌, డీజిల్‌ ధరలు.. ఎక్కడెక్కడ అంటే..

ప్రపంచ మార్కెట్లో ముడి చమురు ధరలు స్వల్పంగా తగ్గడం భారతదేశ రిటైల్ మార్కెట్‌ను కూడా ప్రభావితం చేసింది. ప్రభుత్వ చమురు కంపెనీలు ప్రతిరోజు కు కొత్త పెట్రోల్, డీజిల్ ధరలను విడుదల చేశాయి. కొన్ని నగరాల్లో ధరలు చౌకగా మారగా, మరికొన్ని నగరాల్లో ధరలు ఖరీదైనవిగా మారాయి. ఇంటి నుండి బయలుదేరే ముందు ఖచ్చితంగా ఒకసారి పెట్రోల్, డీజిల్ ధరలను తనిఖీ చేయండి. అయితే ధరలు అన్ని ప్రాంతాల్లో తగ్గాయనుకుంటే పొరపాటు. తెలుగు రాష్ట్రాల్లో ధరలు యధివిధాగా కొనసాగుతున్నాయి. తగ్గిన ధరలు నోయిడాలో మాత్రమే. మరికొన్ని ప్రాంతాలలో స్వల్పంగా పెరిగాయి.

చమురు కంపెనీల డేటా ప్రకారం.. నోయిడాలో పెట్రోల్ ధర లీటరుకు 18 పైసలు తగ్గి రూ.94.75కి, డీజిల్ ధర 19 పైసలు తగ్గి రూ.87.78కి చేరుకుంది. అయితే, ఘజియాబాద్‌లో పెట్రోల్ ధర 19 పైసలు పెరిగి రూ.94.64కి, డీజిల్ ధర 21 పైసలు పెరిగి రూ.87.41కి చేరుకుంది. బీహార్ రాజధాని పాట్నాలో పెట్రోల్ ధర 28 పైసలు పెరిగి రూ.105.43కి, డీజిల్ ధర 27 పైసలు పెరిగి రూ.91.69కి చేరుకుంది. అదే సమయంలో ఢిల్లీ, ముంబై, చెన్నై, కోల్‌కతా వంటి పెద్ద నగరాల్లో ఈరోజు పెట్రోల్, డీజిల్ ధరల్లో ఎటువంటి మార్పు లేదు.

• ఢిల్లీ- పెట్రోల్ రూ. 94.72, డీజిల్ లీటరుకు రూ. 87.62
• ముంబై- లీటర్‌ పెట్రోల్ ధర రూ. 103.44 ఉండగా, డీజిల్ లీటరు ధర రూ. 89.97.
• చెన్నై- పెట్రోల్ లీటర్‌కు రూ. 100.76, డీజిల్ లీటరుకు రూ. 92.35.
• కోల్‌కతా- లీటర్‌ పెట్రోల్ రూ. 104.95, డీజిల్ లీటరుకు రూ. 91.76.
• హైదరాబాద్‌- లీటర్‌ పెట్రోల్‌ ధర రూ.107.46 ఉండగా, రూ.96.70 ఉంది.

గత 24 గంటల్లో ముడి చమురు ధర స్వల్పంగా తగ్గింది. బ్రెంట్ ముడి చమురు బ్యారెల్‌కు $69.01, WTI బ్యారెల్‌కు $66.76 వద్ద ట్రేడవుతోంది. ప్రపంచ మార్కెట్లో డిమాండ్, సరఫరా కారణంగా ఈ పతనం జరిగింది.

ధరల్లో తేడా ఎందుకు ఉంటుంది?

ప్రతి ఉదయం 6 గంటలకు కొత్త పెట్రోల్, డీజిల్ ధరలు అప్‌డేట్‌ చేస్తారు. ఎక్సైజ్ సుంకం, డీలర్ కమిషన్, వ్యాట్, ఇతర ఛార్జీలు జోడించడం వలన, ధరలు అసలు ధర కంటే దాదాపు రెట్టింపు అవుతాయి. పెట్రోల్, డీజిల్ చాలా ఖరీదైనవిగా కనిపించడానికి ఇదే కారణం. ప్రపంచ మార్కెట్లో ముడి చమురు ధరలు, రూపాయి విలువ కూడా ఈ రేట్లను ప్రభావితం చేస్తాయి. ముడి చమురు చౌకగా ఉంటే, కొన్ని నగరాల్లో ఉపశమనం ఉండవచ్చు. కానీ పన్నుల కారణంగా పూర్తి ప్రయోజనం అందుబాటులో లేదు.

మరిన్ని బిజినెస్ వార్తల కోసం ఇక్కడ క్లిక్ చేయండి