ప్రపంచ కుబేరుడిగా లారీ ఎలిసన్‌.. మస్క్ అధిపత్యానికి బ్రేక్..!

Larry Ellison, Elon Musk

ప్రపంచంలోనే అత్యంత ధనవంతుడుగా ఒరాకిల్ సహ వ్యవస్థాపకుడు లారీ ఎల్లిసన్ చరిత్ర సృష్టించారు. టెస్లా సీఈఓ ఎలాన్ మస్క్‌ను అధిగమించి ప్రపంచంలోనే అత్యంత ధనవంతుడు అయ్యాడు. బ్లూమ్‌బెర్గ్ బిలియనీర్స్ ఇండెక్స్ ప్రకారం, అతని నికర విలువ 393 బిలియన్ డాలర్లు అంటే సుమారు రూ.34.60 లక్షల కోట్లు. ఎలన్ మస్క్ నికర విలువ 385 బిలియన్ డాలర్లు అంటే సుమారు రూ.33.90 లక్షల కోట్లు కంటే ఎక్కువ.

మంగళవారం (సెప్టెంబర్ 9) సాయంత్రం, ఒరాకిల్ తన త్రైమాసిక ఫలితాలను ప్రకటించింది. ఇవి అంచనాల కంటే చాలా మెరుగ్గా ఉన్నాయి. బుధవారం (సెప్టెంబర్ 10) కంపెనీ స్టాక్‌పై దీని ప్రభావం కనిపించింది. కంపెనీ షేర్లు 41 శాతం వరకు పెరిగాయి. దీంతో, దాని ధర 336 డాలర్లకి చేరుకుంది. లారీ ఎల్లిసన్ కంపెనీలో 116 కోట్ల షేర్లను కలిగి ఉన్నందున, షేర్ల ధర పెరుగుదల అతని నికర విలువను ప్రభావితం చేసింది. ఇది ఒక రోజులో రూ.9 లక్షల కోట్లు పెరిగింది. ఆసక్తికరంగా, ఈ సంవత్సరం జూన్ నెలలో, లారీ బ్లూమ్‌బెర్గ్ బిలియనీర్స్ ఇండెక్స్ జాబితాలో జెఫ్ బెజోస్, మార్క్ జుకర్‌బర్గ్‌లను అధిగమించి రెండవ స్థానానికి చేరుకున్నాడు.

లారీ ఎల్లిసన్ ఎవరు?

లారీ ఎల్లిసన్ 1944లో అమెరికాలోని న్యూయార్క్ నగరంలో ఒక అవివాహిత తల్లికి జన్మించాడు. ఫ్లోరెన్స్ స్పెల్మాన్ అనే యూదు మహిళకు జన్మించిన లారీ ఎల్లిసన్ తొమ్మిది నెలల వయసులోనే న్యుమోనియాతో బాధపడ్డాడు. దీని తర్వాత, అతని తల్లి లారీ ఎల్లిసన్‌ను అతని మామ, అత్త లిలియన్, లూయిస్ ఎల్లిసన్‌లకు అప్పగించింది. లారీ ఎల్లిసన్ చికాగోలో పెరిగాడు. 12 సంవత్సరాల వయస్సులో అతను దత్తత వెళ్లాడు. ఈ విషయం తెలుసుకున్నప్పుడు, అతన్ని పూర్తిగా కదిలించింది. ఇది అతని ఆలోచన, ప్రపంచం పట్ల అతని దృక్పథంపై భారీ ప్రభావాన్ని చూపింది. అతను 48 సంవత్సరాల వయసులో తన తల్లిని మళ్ళీ కలిశాడు.

1977లో, లారీ ఎల్లిసన్ ఒరాకిల్‌ను ఒక డేటాబేస్ సాఫ్ట్‌వేర్ కంపెనీగా స్థాపించారు. సంవత్సరాల కృషి తర్వాత, ఆ సంస్థ ప్రపంచ క్లౌడ్ కంప్యూటింగ్ పవర్‌హౌస్‌గా మారింది. 80 ఏళ్ల ఎల్లిసన్ ప్రస్తుతం ఒరాకిల్ కార్పొరేషన్‌కు ఛైర్మన్, చీఫ్ టెక్నాలజీ ఆఫీసర్‌గా ఉన్నారు.

మరిన్ని బిజినెస్ వార్తల కోసం ఇక్కడ క్లిక్ చేయండి..