Jio Plan: జియోలో దిమ్మదిరిగే ప్లాన్.. రూ.1958 ప్లాన్తో 365 రోజుల వ్యాలిడిటీ.. బెనిఫిట్స్ ఇవే!
Reliance Jio: రిలయన్స్ జియోలో రకరకాల రీఛార్జ్ ప్లాన్స్ ఉన్నాయి. ఇటీవల మొబైల్ రీఛార్జ్ ధరలను భారీగా పెంచగా, చాలా మంది వినియోగదారులు బీఎస్ఎన్ఎల్ వైపు వెళ్లారు. మళ్లీ వినియోగదారులను ఆకట్టుకునేందుకు జియో సరికొత్త రీఛార్జ్ ప్లాన్లను తీసుకువస్తోంది. ఇప్పుడు తక్కువ ధరల్లోనే ఏడాది పాటు వ్యాలిడిటీ అందించే ప్లాన్ కూడా ఉంది. ఈ ప్లాన్ ఏంటో తెలుసుకుందాం..
కొన్ని రోజుల క్రితం TRAI అన్ని టెలికాం కంపెనీలను కాలింగ్, SMS లతో మాత్రమే చౌక రీఛార్జ్ ప్లాన్లను అందించాలని ఆదేశించింది. ట్రాయ్ ఈ నియమం తర్వాత జియో కాలింగ్, SMS లతో మాత్రమే రెండు చౌక రీఛార్జ్ ప్లాన్లను ప్రవేశపెట్టింది. జియో తన వెబ్సైట్లో రెండు కొత్త వాయిస్ ఓన్లీ ప్లాన్లను జాబితా చేసింది. దీనిలో వినియోగదారులు 365 రోజుల వరకు దీర్ఘకాలిక చెల్లుబాటును పొందుతారు. డేటాను ఉపయోగించని వినియోగదారులకు ఈ ప్లాన్ ప్రయోజనకరంగా ఉంటుందనే చెప్పాలి.
జియో ఈ ప్లాన్ ముఖ్యంగా కాలింగ్, SMS మాత్రమే ఉపయోగించే, డేటా అవసరం లేని వినియోగదారుల కోసం. జియో ఈ రెండు ప్లాన్లు రూ.458కి 84 రోజుల చెల్లుబాటుతో, రూ.1958కి 365 రోజుల చెల్లుబాటుతో వస్తాయి. జియో ఈ రెండు ప్లాన్లలో వినియోగదారులు చాలా ప్రయోజనాలను పొందుతారు. ఈ ప్లాన్ల గురించి పూర్తి వివరాలను తెలుసుకుందాం.
84 రోజుల జియో ప్లాన్
జియో కొత్త రూ.458 ప్లాన్ 84 రోజుల చెల్లుబాటుతో వస్తుంది. ఈ ప్లాన్ లో యూజర్లకు అపరిమిత కాలింగ్, 1000 ఉచిత SMS లు లభిస్తాయి. దీనితో పాటు, జియో సినిమా, జియో టీవీ వంటి యాప్ లకు కూడా ఉచిత యాక్సెస్ లభిస్తుంది. ఈ ప్లాన్ ప్రత్యేకంగా కాలింగ్, SMS మాత్రమే ఉపయోగించే వినియోగదారుల కోసం తీసుకువచ్చింది. ఈ ప్లాన్లో భారతదేశం అంతటా ఏ నెట్వర్క్లోనైనా అపరిమిత కాల్స్, ఉచిత జాతీయ రోమింగ్ సౌకర్యం అందిస్తుంది.
జియో 365 రోజుల ప్లాన్:
జియో కొత్త రూ.1958 ప్రీపెయిడ్ ప్లాన్ 365 రోజుల చెల్లుబాటుతో వస్తుంది. ఈ ప్లాన్లో వినియోగదారులు భారతదేశం అంతటా ఏ నెట్వర్క్లోనైనా అపరిమిత కాల్స్ చేసుకునే ప్రయోజనాన్ని పొందుతారు. దీనితో పాటు 3600 ఉచిత SMS, ఉచిత జాతీయ రోమింగ్ కూడా ఇందులో చేర్చింది. ఈ ప్లాన్ జియో సినిమా, జియో టీవీ వంటి యాప్లకు ఉచిత యాక్సెస్ను కూడా అందిస్తుంది. తద్వారా వినియోగదారులు వినోదాన్ని పూర్తిగా ఆస్వాదించవచ్చు.
ఇది కూడా చదవండి: School Holiday: విద్యార్థులకు గుడ్న్యూస్.. విద్యా సంస్థలకు సెలవు ప్రకటించిన ఆ ప్రభుత్వం!
జియో రెండు ప్లాన్ల తొలగింపు:
జియో ఇప్పుడు తన పాత రీఛార్జ్ ప్లాన్లను దాని జాబితా నుండి తొలగించింది. ఈ ప్లాన్లు రూ.479, రూ.1899. రూ.1899 ప్లాన్ 336 రోజుల చెల్లుబాటుతో 24GB డేటాను అందించగా, రూ.479 ప్లాన్ 84 రోజుల చెల్లుబాటుతో 6GB డేటాను అందించింది.
ఇది కూడా చదవండి: Minimum Balance: కస్టమర్లకు పండగలాంటి వార్త చెప్పిన మరో బ్యాంకు.. మినిమమ్ బ్యాలెన్స్ రూల్స్ రద్దు
ఇది కూడా చదవండి: Multibagger: అదృష్టం అంటే ఇదేనేమో.. కేవలం లక్ష పెట్టుబడితో రూ.1.5 కోట్ల రాబడి
మరిన్ని బిజినెస్ వార్తల కోసం ఇక్కడ క్లిక్ చేయండి