CIBIL Score vs Credit Score: సిబిల్ స్కోర్ వర్సెస్ క్రెడిట్ స్కోర్.. అసలు తేడా ఏమిటి?

Cibil Score Vs Credit Score

CIBIL Score vs Credit Score: క్రెడిట్ స్కోర్, సిబిల్ స్కోర్ అనే పదాలను తరచుగా ఒకదానికొకటి బదులుగా వాడటం వల్ల చాలామందికి గందరగోళం ఉంటుంది. నిజానికి, “క్రెడిట్ స్కోర్” అనేది మీ ఆర్థిక విశ్వసనీయతను సూచించే ఒక సాధారణ పదం. భారతదేశంలో ప్రధానంగా నాలుగు క్రెడిట్ బ్యూరోలు లేదా క్రెడిట్ ఇన్ఫర్మేషన్ కంపెనీలు ఈ క్రెడిట్ స్కోర్‌లను అందిస్తాయి. ట్రాన్స్‌యూనియన్ సిబిల్, ఎక్స్‌పీరియన్, ఈక్విఫాక్స్, CRIF హై మార్క్.

ఈ బ్యూరోలలో ట్రాన్స్‌యూనియన్ సిబిల్ చాలా ప్రసిద్ధి చెందింది. ఎందుకంటే అనేక బ్యాంకులు లోన్‌లను మంజూరు చేయడానికి వారి సిబిల్ స్కోర్‌ను ప్రామాణికంగా తీసుకుంటాయి. మీరు ట్రాన్స్‌యూనియన్ సిబిల్ ద్వారా మీ క్రెడిట్ స్కోర్‌ను తనిఖీ చేసినప్పుడు, దానిని సిబిల్ స్కోర్ అంటారు. అదేవిధంగా మీరు ఎక్స్‌పీరియన్ ద్వారా తనిఖీ చేస్తే, అది ఎక్స్‌పీరియన్ క్రెడిట్ స్కోర్ అవుతుంది. అందుకే సారాంశంలో సిబిల్ స్కోర్ అనేది క్రెడిట్ స్కోర్‌లో ఒక భాగం మాత్రమే. ప్రతి బ్యూరో వేర్వేరు స్కోర్‌లను ఇచ్చే అవకాశం ఉన్నప్పటికీ, వాటి మధ్య పెద్ద తేడా ఉండదు. ప్రస్తుతం కొన్ని బ్యాంకులు రుణాలను మంజూరు చేసేటప్పుడు అత్యధిక స్కోర్‌ను పరిగణనలోకి తీసుకుంటున్నాయి. ఒకవేళ మీ క్రెడిట్ స్కోర్ తక్కువగా ఉంటే, FD-బ్యాక్డ్ క్రెడిట్ కార్డ్ వంటి మార్గాల ద్వారా దాన్ని మెరుగుపరచుకునే అవకాశం ఉంటుంది.

ఇది కూడా చదవండి: Gold: భారత్‌లో బంగారం ధర రూ.37,000 మేర తగ్గినా, ప్రజలు ఎందుకు కొనడం లేదు.. అసలు కారణం ఇదేనా?

స్కోర్ పరిమితి – ఏది మంచి స్కోర్?

ఏ క్రెడిట్ బ్యూరో ఇచ్చిన స్కోర్ 300 నుండి 900 మధ్యలోనే ఉంటుంది:

1. 750 లేదా అంతకంటే ఎక్కువ (750+): ఇది అత్యుత్తమ స్కోర్. ఈ స్కోర్ ఉంటే బ్యాంకులు తక్కువ వడ్డీకే చాలా వేగంగా రుణాలు అందిస్తాయి.
2. 700 – 749: మంచి స్కోర్ . రుణం లభించే అవకాశాలు ఎక్కువగా ఉంటాయి.
3. 650 – 699: సగటు. రుణాలు రావడం కొద్దిగా కష్టం కావచ్చు. లేదా ఎక్కువ వడ్డీ రేటు పడవచ్చు.
4. 650 కంటే తక్కువ: చెడు స్కోర్ (పూర్‌). లోన్లు లేదా క్రెడిట్ కార్డులు తిరస్కరణకు కావలసిన అవకాశాలు చాలా ఎక్కువ.

ముఖ్య గమనిక: మీ క్రెడిట్ రిపోర్టును ప్రతినెల ఉచితంగా తనిఖీ చేసుకోవచ్చు. ఇవి బ్యూరోల స్కోర్లలో చిన్న చిన్న తేడాలు ఉండటం సహజం (ఉదాహరణకు సిబిల్ 760 ఉంటే, ఎక్స్‌పీరియన్ 775 ఉండవచ్చు). అది ఆయా కంపెనీల లెక్కింపు విధానాలపై ఆధారపడి ఉంటుంది.

Auto Tips: ఏడాదిలో కారు, బైక్ కొనడానికి ఏ నెల అనుకూలం? వేల రూపాయలు ఆదా చేసే ట్రిక్స్‌..!

మరిన్ని బిజినెస్ వార్తల కోసం ఇక్కడ క్లిక్ చేయండి