బాబుకు భద్రత తగ్గించలేదు.. ఇంకా ఎక్కువనే కల్పించాం: డీజీపీ

ఏపీ మాజీ ముఖ్యమంత్రి చంద్రబాబు నాయుడుకు భద్రత తగ్గించలేదని ఎక్కువనే కల్పించామని రాష్ట్ర డీజీపీ గౌతమ్ సవాంగ్ అన్నారు. పోలీసులకు సీఎం జగన్ సంపూర్ణ హక్కులు ఇచ్చారని ఆయన అన్నారు. చంద్రబాబుకు కావాలని భద్రత కల్పించలేదని.. స్కేల్ ప్రకారం ఎంత సెక్యురిటీ ఇవ్వాలో అంతకంటే ఎక్కువ సెక్యురిటీని కల్పించామని ఆయన పేర్కొన్నారు. ఇక ప్రత్యేకహోదా ఉద్యమకేసులను ఎత్తివేసేందుకు ప్రణాళికను సిద్ధం చేశామని పేర్కొన్నారు. స్పందన కార్యక్రమం పేరుతో గ్రీవెన్స్ సెల్ ఏర్పాటు చేశామని.. పోలీస్ కమిషనర్ ఆఫీస్‌లోనూ ఇది అందుబాటులో ఉంటుందని తెలిపారు. ఇక టీడీపీ, వైసీపీ నేతలు ఒకరిపై ఒకరు ఫిర్యాదు చేశారని.. వ్యక్తిగత ఘర్షణలకు రాజకీయ ముద్రవేస్తున్నారని ఆయన ఫైర్ అయ్యారు. శాంతి భద్రతల విషయంలో ఎవరినీ ఉపేక్షించమని గౌతమ్ సవాంగ్ నొక్కి చెప్పారు.