చంద్రబాబు కుటుంబసభ్యులకు భద్రత తగ్గింపు
ఏపీ మాజీ ముఖ్యమంత్రి చంద్రబాబు నాయుడు కుటుంబ సభ్యులకు పోలీసు భద్రతను ఏపీ ప్రభుత్వం తగ్గించింది. ఇదివరకే చంద్రబాబుకు భద్రతను కుదించగా.. తాజాగా జెడ్ కేటగిరీ ఉన్న లోకేష్కు 2+2 గన్మెన్లను ఖరారు చేశారు అధికారులు. అలాగే మిగిలిన కుటుంబ సభ్యులకు పూర్తిగా భద్రతను తీసేశారు. అయితే దీనిని ఖండిస్తోన్న టీడీపీ నేతలు.. ప్రభుత్వ తీరుపై మండిపడుతున్నారు. కనీస సమాచారం ఇవ్వకుండా చంద్రబాబు విదేశీ పర్యటనలో ఉండగా భద్రతను తగ్గించడం దారుణమని వారు మండిపడుతున్నారు. వైఎస్ జగన్కి […]
ఏపీ మాజీ ముఖ్యమంత్రి చంద్రబాబు నాయుడు కుటుంబ సభ్యులకు పోలీసు భద్రతను ఏపీ ప్రభుత్వం తగ్గించింది. ఇదివరకే చంద్రబాబుకు భద్రతను కుదించగా.. తాజాగా జెడ్ కేటగిరీ ఉన్న లోకేష్కు 2+2 గన్మెన్లను ఖరారు చేశారు అధికారులు. అలాగే మిగిలిన కుటుంబ సభ్యులకు పూర్తిగా భద్రతను తీసేశారు. అయితే దీనిని ఖండిస్తోన్న టీడీపీ నేతలు.. ప్రభుత్వ తీరుపై మండిపడుతున్నారు.
కనీస సమాచారం ఇవ్వకుండా చంద్రబాబు విదేశీ పర్యటనలో ఉండగా భద్రతను తగ్గించడం దారుణమని వారు మండిపడుతున్నారు. వైఎస్ జగన్కి ప్రతిపక్ష నేతగాను, పాదయాత్ర సమయంలోనూ కావాల్సినంత భద్రత కల్పించామని.. ఇప్పుడు ప్రభుత్వం చంద్రబాబు కుటుంబం పై కక్ష పూరితంగా వ్యవహరిస్తోందని వారు విమర్శిస్తున్నారు. ఇదిలా ఉంటే మరోవైపు ఫ్యామిలీతో ఫారిన్ టూర్ను పూర్తి చేసుకున్న చంద్రబాబు నాయుడు.. ఇవాళ హైదరాబాద్కు రానున్నారు. బుధవారం ఆయన అమరావతికి వెళ్లనున్నారు.
