PM Modi: దటీజ్ మోదీ! ప్రోటోకాల్ సైతం పక్కన పెట్టి.. నిరాడంబరంగా పూల వ్యాపారి ఇంటికి భారత ప్రధాని
ప్రధాన‌మంత్రి అయోధ్య పర్యటనలో ఆస‌క్తిక‌ర సంఘటన జరిగింది. ప్రోటోకాల్ సైతం పక్కనబెట్టి ఓ ఇంట్లోకి వెళ్లి ప్రధాని మోదీ టీ తాగి వారి యోగక్షేమాలు తెలుసుకున్నారు. పీఎం ఉజ్వల పథకం 10 కోట్ల మంది లబ్ధిదారుల్లో ఒకరైన ఓ మహిళ ఇంటికి ప్రధాని మోదీ అకస్మాత్తుగా వెళ్లడం అందరినీ అశ్చర్యానికి గురి చేసింది.
డిసెంబర్ 30న ప్రధాని నరేంద్ర మోదీ అయోధ్యలో పర్యటించారు. ఆయన అయోధ్య పర్యటనలో హృదయాన్ని కదిలించే సంఘటన ఒకటి జరిగింది.
అయోధ్యలో పూల వ్యాపారిగా పనిచేస్తున్న మీరా అనే సాధారణ మహిళ ఇంటికి వెళ్లారు ప్రధాని మోదీ. ప్రధాని మోదీ తన ఇంటికి వస్తున్నారని గంట క్రితం ఆమెకు తెలిసింది.
ఉజ్వల పథకంలో 10 కోట్ల మంది లబ్ధిదారుల్లో ఒకరి ఇంటికి అకస్మాత్తుగా ప్రధాని మోదీ సందర్శించారు. ఆ మహిళ యోగక్షేమాలు ఆరా తీయడమే కాకుండా ఆమె పిల్లలతో కలిసి కొద్దిసేపు సరదాగా గడిపారు ప్రధాని నరేంద్ర మోదీ. ఆ మహిళ జీవిత పోరాటం గురించి అడిగి తెలుసుకున్నారు ప్రధాని.
మీరా చేసిన టీ తాగిన ప్రధాని మోదీ.. టీ రుచి చాలా బాగుందని ఆమెను అభినందించారు. టీ కొద్దిగా తీయగా ఉందన్నారు ప్రధాని. మోదీ రాకతో ఆ కుటుంబం సంబరంలో మునిగిపోయింది.
అయోధ్యలో నిషాద్ కుటుంబానికి చెందిన ఉజ్వల పథకం లబ్ధిదారుని మీరా కుటుంబాన్ని ప్రధాని నరేంద్ర మోదీ కలిశారు. ఈ సందర్భంగా, ఈ పథకం ప్రయోజనాల గురించి ప్రధాని మోదీ సమాచారాన్ని తీసుకున్నారు.
మీరా చేసిన టీ తాగిన ప్రధాని మోదీ.. టీ రుచి చాలా బాగుందని ఆమెను అభినందించారు. టీ కొద్దిగా తీయగా ఉందన్నారు ప్రధాని. మోదీ రాకతో ఆ కుటుంబం సంబరంలో మునిగిపోయింది.
ప్రధాని మోదీ మీరా కుటుంబసభ్యులతో దాదాపు 10-15 నిమిషాల పాటు మాట్లాడారు. ఈ సందర్భంగా ప్రధాని మోదీ చిన్నారికి ఆటోగ్రాఫ్ కూడా ఇచ్చారు. ఇందులో వందేమాతరం రాశారు.
అకస్మాత్తుగా తన ఎదురుగా ఉన్న ప్రధాని మోదీని చూసిన మహిళ మొదట నోటి నుంచి మాట రాలేదు. కానీ తరువాత తేరుకుని ప్రధానితో తన కుటుంబ స్థితిగతులను వివరించారు. ప్రధాని తన ఇంటికి రావడం కలగా ఉందన్నారు.